Бар эдиле халкъыбызда айтхылыкъ пелиуанла — 23 июля 2026 г. в 15:23:09.168
Бар эдиле халкъыбызда айтхылыкъ пелиуанла Айтылгъаннга кёре халкъыбызда пелиуанла алгъын кёп жаратылгъандыла. Хар ауузну кесини жигити болгъанды. Кючлери бла къарыулары Беш Тау элден тышында айтылгъан жашла бла эриширге кёпле итиннгендиле. Чабдарланы Жубуран аллайладан бири болгъанды. Кеси заманында ол бек къарыулугъа саналгъанды. Ол къурагъан оюнладан бюгюн бизге ючюсю жетгендиле. Аладан биринчиси атланы жегип бардырыуду. Экисин, чындыла боюнларын ачытмазча этип, арт аякъларына жетип юркютмезча, кёнделен къылычланы тап жарашдырып салып, къылычлагъа да бир къулач узунлукълары болгъан жиплени къысып, къыйырларын тюйюмчек этедиле. Эки атны да алларын кери айландырып тохтатхандан сора, жиплени тюйюмчек къыйырларын бир къол бла къаты тутаргъа керекди. Андан сора атланы къамичиле бла уруп, экеулен юркютеди. Ол заманда тюйюмчекле къолдан ычхынмай, атла тыйылгъанлай къалсала, хорлагъан ол болады. Материалны газетни бетлеринде окъургъа боллукъсуз.