Гимназия үҙенең сығарылыш уҡыусылары менән һәр саҡ ныҡлы бәйләнеш тота. Яңыраҡ гимназия... — 23 марта 2026 г. в 13:21:54.328
Гимназия үҙенең сығарылыш уҡыусылары менән һәр саҡ ныҡлы бәйләнеш тота. Яңыраҡ гимназияның китапханаһында Башҡортостан республикаһының архив эштәре буйынса идаралығы начальнигы Фәтҡуллин Илһам Зөфәр улы һәм Башҡортостан республикаһының мәҙәни мираҫ объекттарын дәүләт һаҡлауы буйынса идаралығы начальнигы урынбаҫары Ҡолбахтин Салауат Нәзир улы менән осрашыу үтте. Улар уҡыусыларға Башҡортостандың тарихы, бөгөнгөһө һәм киләсәге тураһында һөйләп, гимназияға бәйле матур хәтирәләр менән уртаҡлаштылар, матур кәңәштәр бирҙеләр. "Интернатта булған йылы мөхит, берҙәмлек һәм теләктәшлек башҡа мәктәптәрҙә юҡтыр ул. Бында ҡоролған дуҫлыҡ – мәңгелек. Гимназист булыу - оло бер ғаиләнең өлөшө булыу, ул "- тине ҡунаҡтарыбыҙ.Ҡунаҡтар буш ҡул менән килмәгән, төрлө йәштәге уҡыусылар өсөн китаптар, файҙалы ҡулланмалар, кәрәкле сығанаҡтар алып килгән. Донъя күргән һөм бүләк ителгән һәр яңы китап - оло мөғжизә ул. Осрашыу аҙағында ҡунаҡтарға рәхмәт һүҙҙәре еткерелде.