Бөгөн үҙенең матур юбилейын гимназиябыҙҙың сығарылыш уҡыусыһы, башҡорт журналисы, шағир... — 17 марта 2026 г. в 19:50:54.937
Бөгөн үҙенең матур юбилейын гимназиябыҙҙың сығарылыш уҡыусыһы, башҡорт журналисы, шағир, «Ағиҙел» журналының баш мөхәррире, Рәсәйҙең һәм Башҡортостандың Журналистар һәм Яҙыусылар союздары ағзаһы, Башҡортостан Республикаһының атҡаҙанған мәҙәниәт хеҙмәткәре, Башҡортостандың халыҡ яҙыусыһы Мөнир Сәхиулла улы Ҡунафин билдәләй. Гимназия коллективы уны юбилей айҡанлы ҡайнар ҡотлай һәм ижади бейеклектәр теләй . Шиғриәттә, прозала, драматургияла яңы һүҙ әйткән, ижады башҡорт әҙәбиәтендә йондоҙ булып балҡыған Мөнир Ҡунафиндың исеме беҙҙең гимназистарға бик яҡын. Уның күп кенә журналист яҙмалары ла Бөйөк Ватан, афған һуғышы ветерандарына, махсус операцияла ҡатнашыусыларға арналған. Шуға ла әҫәрҙәрен уҡыусылар яратып өлгөрҙө. Ныҡлы һаулыҡ, оҙон ғүмер насип булһын, илһам уты, ижади ҡомар һүрелмәһен! Яңы әҫәрҙәр көтөп ҡалабыҙ!