Үҙебеҙҙекеләр!Беҙҙең гимназиябыҙҙың һәләтле, егәрле һәм һәр саҡ алға ынтылып торған уҡы... — 23 июля 2026 г. в 12:04:39.160
Үҙебеҙҙекеләр!Беҙҙең гимназиябыҙҙың һәләтле, егәрле һәм һәр саҡ алға ынтылып торған уҡыусылар күп. Бөгөн шундай егеттәребеҙҙең береһе — Илсур Абдрахманов . Илсур — ысын мәғәнәһендә әүҙем һәм дәртле егет. Уның һәр башлаған эшендә янып-көйөп, еңеүгә ынтылып эшләгәнен күреүе беҙҙең өсөн ҙур шатлыҡ. Республикала үткән барлыҡ сараларҙа ла ул алдынғы сафта, һәр саҡ юғары һөҙөмтәләргә ирешеп, призлы урындар яулап тора! Каникул ваҡыттарын да бушҡа үткәрмәй Илсур. «Мораҙымдың моңло хазинаһы» халыҡ ижады фестивалендә ҡатнашып, үҙенең оҫталығын күрһәтте һәм маҡтаулы призлы урынға лайыҡ булды. Шулай уҡ Илсурҙың таланты Күмертау ҡалаһында ла юғары баһаланды. Ул «Мәҙәни традицияларҙы һаҡлау һәм "Урал батыр" башҡорт халыҡ эпосын популярлаштырыу буйынса профессиональ һәм сағыу оҫталыҡ дәресе үткәргәне өсөн» Рәхмәт хаты менән бүләкләнде. Илсур, һин — беҙҙең ғорурлығыбыҙ! Һинең кеүек мәҙәниәтебеҙҙе, эпостарыбыҙҙы ололаған, рухлы йәштәребеҙ булғанда, халҡыбыҙҙың киләсәге ышаныслы ҡулдарҙа. Артабан да шулай дәртле, маҡсатлы һәм уңышлы булып ҡал. Яңы бейеклектәр яулауыңды теләйбеҙ! Илсурҙың ата-әсәһенә оло рәхмәттәребеҙҙе еткерәбеҙ! Һинең менән ғорурланабыҙ! Афарин! 👏🔥