🌳🌳🌳Ағас ултыртыу – ерҙә матур эҙ ҡалдырыуға тиң. Тирә-яҡты йәмләндереү, йәшелләндере...
🌳🌳🌳Ағас ултыртыу – ерҙә матур эҙ ҡалдырыуға тиң. Тирә-яҡты йәмләндереү, йәшелләндереүгә мәләүездәр ҙә әүҙем ҡушылды. «Йәшел Башҡортостан» республика акцияһы сиктәрендә бөгөн Мәләүез ҡалаһында ысын мәғәнәһендә экологик байрам ойошторолдо. Ҡаланың йөҙө булған Ленин урамындағы йәйәүлеләр йөрөгән юл ситендә, урындағы район етәкселеге, ирекмәндәр, махсус хәрби операция ветерандары, предприятиелар вәкилдәре, депутаттар һәм әүҙем граждандар өс тиҫтә саған ағасын ултыртты. Ошо рәүешле власть органдары менән халыҡтың берҙәмлеге, эшлекле диалогтың һөҙөмтәле булыуы асыҡ сағылды. Экологик өмә — ул ябай ғына ағас ултыртыу түгел, ә социаль күренеш. Саф һауалағы физик хеҙмәт барыһының да аппетитын асты. Ялан кухняһында ҡайнар сәй, тәмле бутҡа менән һыйланған ҡатнашыусылар араһында барған ихлас әңгәмәләр, йылмайыуҙар был сараның ни тиклем йылы атмосферала үтеүен раҫланы.