*Сунтаар улууһун делегацията байыаннай дьайыы зонатыгар тиийдэ* — 3 августа 2026 г. в 11:42:26.850
*Сунтаар улууһун делегацията байыаннай дьайыы зонатыгар тиийдэ* 📦📦📦Сунтаар улууһун баһылыга Анатолий Григорьев салайааччылаах делегация анал байыаннай дьайыы буола турар сиригэр тиийдэ. Күн бүгүн госпитальга эмтэниини ааһа сылдьар биир дойдулаахпытын көрсөн гуманитарнай көмөнү уонна эр киһи күүстээх харысхала буолар үгэс буолбут саха быһаҕын туттарда. Улуус баһылыгын кытта Кириэстээх, Тойбохой, Тэҥкэ нэһилиэктэрин баһылыктара уонна ыччат отделын салайааччыта бааллар. Байыастар сакаастарынан фронт линиятыгар сулууспаны чэпчэтэр уонна куттал суох буолуутун хааччыйар квадрокоптер, генератор, дрон детектора курдук сыаналаах тэриллэри ыллылар. Маны тэҥэ, мас ууһа ураннаан оҥорбут алгыс сэргэтин илдьэ тиийдилэр. Бу сэргэни байыаннай дьайыы зонатыгар сахалыы сиэринэн туруоруохтара. Сэргэ уолаттарга төрөөбүт дойдуларын күүһүн, харысхалын тириэрдиэҕэ, кыайыыга эрэли саҕыаҕа. Бу сырыы биир дойдулаахтарбыт кэтэһэр көмөлөрүн тиэрдэр эрэ буолбакка, кинилэр санааларын көтөҕөр, бөҕөргөтөр, дойдуларын сылааһын тириэрдэр улахан суолталаах түгэнинэн буолар. _Сунтаар улууһун дьаһалтатын пресс-сулууспата_