*Төрөөбүт сир сылааһа: Сунтаар делегацията байыастарга көмөнү тиксэрдэ* — 6 августа 2026 г. в 23:44:35.530
*Төрөөбүт сир сылааһа: Сунтаар делегацията байыастарга көмөнү тиксэрдэ* 📦📦📦Сунтаар улууһун анал делегацията байыаннай дьайыы зонатыгар сылдьар биир дойдулаахтарбытын кытта көрсөр уонна гуманитарнай көмөнү тиксэрэр соруктаах айаннаабыт үлэтин салҕыыр. Биһиги хорсун уолаттарбыт дойдуларын көмүскэлигэр турунан, ытык иэстэрин чиэстээхтик толоро сылдьаллар. Бу күннэрдээҕи көрсүһүүлэр байыастарга улахан күүһү-уоҕу, санаа көтөҕүллүүтүн бэрдилэр. Төрөөбүт сирдэриттэн кэлбит кэһиилэри, ордук дойдуларын амтаннаах аһын тутан, уолаттар улаханнык үөрдүлэр уонна махтаннылар. Биир дойдулаахтарын өйөбүлэ, сылаас тыллара кинилэргэ төһөлөөх күүһү уурарын уонна санааларын бөҕөргөтөрүн бэлиэтээтилэр. Хорсун байыастарбытыгар Айыыһыт алгыһа арыаллаатын, өрүү арчылаатын! _Сунтаар улууһун дьаһалтатын пресс-сулууспата_