Әле кайчан гына җәйне каршы алган идек, менә инде көз дә килеп җитте🍁 — 1 сентября 2026 г. в 08:00:27.699
Әле кайчан гына җәйне каршы алган идек, менә инде көз дә килеп җитте🍁 Быелгы җәй вакыйгаларга бик бай булды. Безнең Я.Е. Емельянов исемендәге мәдәни үзәктә узган чараларны тагын бер кат искә алып, җәйне рәхмәт әйтеп озатабыз☺️ 3 июнь.☀ Җәкәү җортында Халыкара балаларны яклау көненә һәм Россия халыклары бердәмлеге елына багышланган «Бердәмлекнең серле ачкычы» дигән квест үтте. 7 июнь.💃 Безнең Я.Емельянов исемендәге мәдәни үзәктә эшләп килүче «Казансу» фольклор ансамбле Татарстанның һәм Башкортстанның халык артисты Ришат Төхвәтуллин белән бергә россиякүләм VK Fest фестивалендә чыгыш ясады! 3-6 июль.🌿 Безнең Я.Емельянов исемендәге мәдәни үзәк директоры, Татарстан керәшен иҗтимагый оешмасы башкарма комитеты җитәкчесе Людмила Белоусова, Я. Емельянов исемендәге мәдәни үзәкнең бүлек җитәкчесе, Татарстан төбәк керәшен иҗтимагый оешмасының идарә члены Ирина Муллина, «Туганайлар» газетасы баш редакторы Юлия Губина Красноярск крае, Казачинско-Пировское муниципаль округының Комаровка авылында узган Питрау бәйрәменә барып кайттылар! 14 июль.👏 Я.Емельянов исемендәге мәдәни үзәктә төрле як керәшеннәренең традицион костюмнарыннан торган «Алчүпрәгем челтәрле» фотокүргәзмәсе ачылышы булды. 18 июль. 🌻 Җөридә шаулап-гөрләп Питрау бәйрәме узды. Безнең «Питрау түгәрәк уены»нда 50 коллектив һәм аерым башкаручы катнашты! 🐝 Августта без, Җәкәү җорты, Зәй шәһәренә танылган «Бал бабай» Петр Минеевка кунакка барып, Бал Спасына репортаж әзерләдек. 21-23 август. 🎤 Мәдәни үзәгебезнең «Тумар» һәм «Казансу» фольклор ансамбльләре XVI халыкара «Крутушка» этник фестивалендә чыгыш ясады. Безнең белән булган барлык дустыбызга зур рәхмәт! Без инде көзге программаны әзерлибез. Яңалыкларны көтегез! ❤