Җәкәу җортында Халыкара өлкәннәр көне уңаеннан 1 октябрь көнне "Җыру әйтәм, тыңлагыз" д...
Җәкәу җортында Халыкара өлкәннәр көне уңаеннан 1 октябрь көнне "Җыру әйтәм, тыңлагыз" дип исемләнгән зур күңелле караоке-кичәсе узачак! Бу кичәдә ике ансамбль – Питрәч районы Керәшен Сәрдәсе авылыннан “Чулпы” һәм Балтач районы Югары Субаш авылыннан “Туганай” – үзара көч сынашачак. 🕺🎶 Әйдәгез алар белән якыннанрак танышыйк. Бүген без "Чулпы" халык фольклор ансамбле, аның тарихы һәм эшчәнлеге турында мәгълүмат алачакбыз! 😍 "Чулпы" халык фольклор ансамбле - Питрәч районның горурлыгы. Ансамбль 1984 елда Керәшен Сәрдәсе авыл мәдәният йорты каршында Козлова Елена һәм Дементьев Алексей тырышлыгы белән төзелә. Соңрак ансамбль белән Никифрова Анна Григорьевна җитәкчелек итә. Ансамбльнең башлангыч составында 1 егет, 9 гүзәл зат була. Керәшен йола-гадәтләрен, уеннарын, җыруларын чын халыкчан башкарып югары дәрәҗәләргә ирешәләр. Татарстанның беренче Президенты Минтимер Шәрипович Шәймиев каршында чыгыш ясап, зур мактауга лаек булалар. Минтимер Шәрипович «Чулпыларның» җыруын шулкадәр ошата, хәтта җырны икенче кабат башкаруларын сорый. 💫Нәтиҗәле эшчәнлекләре өчен 2006 елда «Чулпы» ансамбленә «Халык» исеме бирелгән. Ансамбль эшчәнлеге этник традицияләрне буыннан-буынга тапшыру принципларына нигезләнгән. Репертуарда туй, кунак, йола җырлары урын алган. Хәзерге вакытта ансамбльнең җитәкчесе - Никитина Евдокия Аркадьевна. "Чулпы" лар Питрәч районында һәм шулай ук республикабызда узган мәдәни чараларда актив катнашалар. Әйдәгез, 1 октябрь көнне Я.Е. Емельянов исемендәге Мәдәният үзәгендә узачак караоке-кичендә «Чулпы» халык фольклор ансамбленең чыгышын күрербез һәм алар белән якыннанрак танышырбыз! 🙌