Кызыл Таң / Новости Башкортостана / Яңалыклар / Kizil Tan
Новости · 18 июня 2026 г.
✅Бүген Уфада берничә мәйданчыкта Медицина хезмәткәре көнен билгеләп үттеләр. Авыл хуҗал... — 18 июня 2026 г. в 07:46:54.892
✅Бүген Уфада берничә мәйданчыкта Медицина хезмәткәре көнен билгеләп үттеләр. Авыл хуҗалыгы министрлыгының Колонналы залында Башкортстан Хөкүмәте Премьер-министры Андрей Назаров бер төркем хезмәт алдынгыларына дәүләт бүләкләре тапшырды. — Медицинада очраклы кешеләр юк. Бу югары хезмәт — үз өстенә зур җаваплылык ала белүчеләрнең өлеше. Сезнең һөнәрегез ихлас ихтирам һәм рәхмәт уята, — диде Премьер-министр медицина хезмәткәрләрен тәбрикләп. — Сезнең һәрберегез — табиб, фельдшер, шәфкать туташы яки лаборант булсынмы, фән, югары һөнәри осталык һәм тирән кешелеклелек чатында эш итә. Мондый хезмәт һәркемнең дә көченнән килми. Ул тулы фидакарьлек, кайвакыт үзеңне корбан итү һәм көчле булуны таләп итә. ✅Намуслы хезмәтләре өчен Андрей Назаров 30 медицина хезмәткәренә дәүләт бүләкләре һәм мактаулы исемнәр тапшырды. Толбазы үзәк район дәваханәсенең психиатр-наркологы Виталий Тарасов «Хезмәт батырлыгы өчен» медаленә ия булды. Өч хезмәткәр Башкортстан Республикасының Мактау грамотасы белән бүләкләнде. Тагын 26 кешегә “Башкортстанның атказанган табибы” һәм “Башкортстанның атказанган медицина хезмәткәре” исемнәре бирелде.