Кызыл Таң / Новости Башкортостана / Яңалыклар / Kizil Tan
Новости · 19 октября 2026 г.
Уфада тау чаңгысы комплексы төзергә телиләр.
Уфада тау чаңгысы комплексы төзергә телиләр. Моның өчен Октябрь районының, Менделеев урамында көнчыгыш тау битләвендә урман паркы белән Уфа елгасы арасында 37 гектардан артык мәйданлы участок карала. Алдан төзелгән план буенча, монда ясалма кар яткан трассалар, сәгатенә 540 кешегә кадәр йөртә ала торган бугель күтәрткече булачак. Шулай ук прокат пунктлары, киенү-чишенү бүлмәләре, ярышлар өчен биналар һәм парковка җиһазландырырга телиләр. Мэрия «Ике сезон» компаниясенә территорияне планлаштыру һәм чикләр билгеләү проектын эшләргә рөхсәт бирде. Документларны үз хисабына әзерләү өчен аңа 18 ай вакыт бирелә. Комплексның составы һәм параметрлары нигездә проектлау этабында билгеләнәчәк.