Кызыл Таң / Новости Башкортостана / Яңалыклар / Kizil Tan
Новости · 29 октября 2026 г.
«Сәнгать төне» ничек узачак?
«Сәнгать төне» ничек узачак? 3 ноябрьдә Башкортстан Республикасы «Сәнгать төне» Бөтенрусия акциясенә кушылачак. Быел акция «Мәдәниятләр бердәмлегендә — халык көче» девизы астында уза һәм Русия халыклары бердәмлеге елына багышлана. Башкортстан гаиләләре, халкы һәм кунаклары өчен 18.00 сәгатьтән 23.00 сәгатькә кадәр республиканың 100дән артык дәүләт һәм муниципаль музее ишекләре ачылачак, анда алар Русия һәм Башкортстан халыкларының бердәмлегенә, тарихи-мәдәни мирасны популярлаштыруга багышланган чаралар, шул исәптән күргәзмәләр, экскурсияләр һәм остаханәләр программаларын тәкъдим итәчәк. "Сәнгать төне" акциясе - музей киңлегенә яңача карау, Башкортстанның һәм бөтен Русиянең күпмилләтле мәдәни мирасы белән танышу, шулай ук үзеңне традицион һөнәрләрдә сынап карау мөмкинлеге ул, дип билгелиләр Мәдәният министрлыгында. Башкортстан Республикасы музейлары чараларының җентекле программасы белән учреждениеләрнең рәсми сайтларында һәм аларның социаль челтәрдәге аккаунтларында танышырга мөмкин. Фото: Зөһрә Исламова