«Одуванчик» оҕо саадын киэн туттар кыайыылара! — 6 апреля 2026 г. в 08:32:00.032
«Одуванчик» оҕо саадын киэн туттар кыайыылара! Ытыктабыллаах төрөппүттэр уонна коллегалар! Биһиги оҕо саадыгар үөрүүлээх сонун! Үһүс төгүлүн ыытыллыбыт "Саас" диэн Международнай творческай конкурс-фестивальга биһиги иитээччилэрбит үрдүк ситиһиилэри көрдөрдүлэр! Айсаана Ефремова (4 саастаах) — «Ырыа» номинацияҕа I степеннээх Лауреат аатын ылан, биһигини барыбытын үөртэ! Айсаана төһө да кырачаан буоллар, сатабыллаахтык, дьоҕурдаахтык ыллаан, дьүүллүүр сүбэни сөхтөрдө. «Дуораанчык» фольклорнай бөлөх — «Фольклор» номинацияҕа I степеннээх Лауреат буолан, төрөөбүт норуоппут үгэһин хайдах курдук таптыылларын уонна харыстыылларын көрдөрдүлэр. Бу кыайыы – оҕолорбут күүстээх дьарыктарын, төрөппүттэрбит өйөбүллэрин уонна салайааччы дьоҕурдаах үлэлэрин түмүгэ! Биһиги киэн туттабыт! Айсаанаҕа уонна «Дуораанчык» бөлөххө инникитин даҕаны үрдүктэн үрдүк ситиһиилэри, сырдык суолу, айар куттарын өссө күүскэ сайыннараргытыгар баҕарабыт! Эһиги — биһиги кэскилбит, биһиги киэн туттуубут!