Оҕолорбут күннэрэ араас тэрээһиннэринэн толору. Кырачааннарбыт хас биирдии күҥҥэ саҥаны... — 24 апреля 2026 г. в 08:39:26.703
Оҕолорбут күннэрэ араас тэрээһиннэринэн толору. Кырачааннарбыт хас биирдии күҥҥэ саҥаны билэ, үөрэнэ, айымньылаахтык үлэлии сылдьаллар. Оҕолорбут күннээҕи олохторугар айылҕаны таптыырга, харыстыырга үөрэнэллэр. Кинилэр сибэкки олордон, кыра үүнээйилэри бэйэлэрэ көрөн-истэн улаатыннаран, улааппыттарын иһиттэргэ көһөрөн олорпуттара — дьиҥнээх үлэһит буолуу бэлиэтэ. Бу айылҕаны таптыыр сүрэхтэрин арыйыы буолар. «День Земли» уонна «Берегите природу» диэн ыҥырыылары өрө тутан, оҕолор уопсай күүстэринэн дьэрэкээн плакат оҥордулар. Бу плакат нөҥүө кинилэр айылҕаҕа хайдах сыһыаннаһыахха наадатын дириҥник өйдөөбүттэрин көрдөрдүлэр. Кинилэр айылҕабыт кэрэтин харыстыырга анаммыт дьиҥнээх эдэр ыччат буола улааталлар. Бэлэмнэнии бөлөх оҕолоро төрөөбүт дойдуларын устуоруйатыгар дириҥник киирдилэр. Сэриигэ баран геройдуу охтубут биир дойдулаахтарбыт ааттарын үйэтитэр мемориалга экскурсиялаан кэллилэр. Бу тэрээһин оҕолорго патриотизм, хорсун санаа туһунан өйдөбүлү биэрдэ, дойдуларын таптыыр, киэн туттар кэрэ майгыларын иҥэрдэ. Оттон кырачааннарбыт олус дьоҕурдаахтар. Кинилэр халлаан сырдыгын, күн уотун дьэрэкээн пластилинынан сыбаан, дьикти-дьиибэ күн сардаҥаларын оҥордулар. Бу оҕо айымньылаах өйүн-санаатын сайыннарыыга улахан суолталаах. Ол кэннэ дьэ, бары оҕолор биир киһи курдук таһырдьа тахсан, чэбдик салгыҥҥа астына оонньууллар. Күн уота сырдаан, салгын сылааһыран, оҕолор үөрэн-көтөн, саҥа күүс-уох ылан, саҥа күнү көрсөллөр. Бу барыта биһиги оҕолорбут толору сайдыылаах, дьоллоох оҕо саастаах буолалларын туоһулуур!