«Одуванчик» оҕо саадын кыайыыта — олоҥхо олоҕун өрө тутуу! — 24 апреля 2026 г. в 08:37:20.409
«Одуванчик» оҕо саадын кыайыыта — олоҥхо олоҕун өрө тутуу! VI республикатааҕы «Чөмчүүк саас түһүлгэтэ — олоҥхо тойуга» кэтэхтэн күрэххэ, «Олоҥхо олоҕо» диэн театрализованнай туруорууга, Петр Решетников – Көһөҥө Бүөтүр «Күөнэ көҕөччөр аттаах Күүстээх Уохтаах Күн Күндүлү бухатыыр»олоҥхотун чаҕылхайдык толорон, «Току-току ньээм-ньээм» диэн фольклорнай бөлөх III үрдэли ылан лауреат буоллулар. Салайааччылар Дьячковская Марианна Анатольевна, Андреева Мария Васильевна уонна Попова Ольга Егоровна, өр сыллаах, олус эппиэтинэстээх үлэҕит түмүгэ. Оҕону олоҥхо эйгэтигэр уһуйар, төрүт тылбытын харыстыыр үлэҕит — кэлэр кэскилбит туһугар оҥоһуллубут саамай сүрүн кылаат. Күндү кырачаан олоҥхоһуттар, эһиги — биһиги киэн туттар дьоммут! Олоҥхо суолун тутуһан, сахалыы тыыннаах, киэн көҕүстээх, модун санаалаах дьон буола улаатыҥ. Аһыма нэһилиэгин аатын ааттаттыгыт, өрөспүүбүлүкэ таһымыгар таһаардыгыт. Инникитин даҕаны эһиэхэ олоҥхо тылын курдук ыраас, кэрэ олоҕу, саҥа ситиһиилэри, үрдүк таһымнаах үлэни баҕарабыт! Барыгытын кыайыыгытынан итиитик-истиҥник эҕэрдэлиибит!