«Одуванчик» оҕо саадыгар «Здоровья семья — Здоровый Малыш» диэн чэгиэн олоххо аналлаах ... — 18 апреля 2026 г. в 05:59:51.518
«Одуванчик» оҕо саадыгар «Здоровья семья — Здоровый Малыш» диэн чэгиэн олоххо аналлаах бырайыакпыт түмүктүүр мунньаҕа үрдүк таһымнаахтык ааста. Бу тэрээһин ийэлэргэ уонна оҕолорго саҥа билиини, доруобуйа туһунан дириҥ өйдөбүлү биэрдэ. Бу проект инструктор по гигиене Андреева Лидия Львовна уонна иитээччилэр Кириллова Мария Анатольевна уонна Терентьева Саина Егоровна үс сыллааҕы үлэлэрин сыралаах түмүгэ буолар. Түмүккэ оҕолор ыалдьаллара аччаата, анемиялаах оҕолор анализтара тубуста, төрөппүттэр бэйэ натуральнай аһа туһалааҕын өйдөөн оҕолоругар сиэтэллэрэ барыбытын үөрдэр. Бырайыакпыт түмүктүүр мунньаҕар ыҥырыылаах психолог Сахая Прокопьевна ийэлэргэ олус наадалаах, хас биирдии ийэ билиэхтээх сүбэлэрин биэрдэ. Ийэ ис туруга — оҕо эйгэтэ Сахая Прокопьевна бэлиэтээбитинэн, ийэ хат сылдьан тугу саныыра, туох иэйиини ылынара — барыта оҕоҕо быһаччы бэриллэр. «Оҕо ийэ иһигэр сылдьан эрэ эйигин истэр, эйигин сэрэйэр. Эн үөрүүн эн оҕоҥ үөрүүтэ буолар, эн куттаныыҥ эбэтэр хомойууҥ эмиэ киниэхэ ааһар», — диэн психолог ийэлэргэ эттэ. Психолог сүбэлэрэ: • Хат сылдьан саамай сүрүнэ — ис эйгэни тэрийии. Кинигэни ааҕыы, кэрэ музыканы истии, айылҕаҕа сылдьыы уонна эйэҕэс кэпсэтии — бу барыта оҕо уйулҕата туруктаах буоларыгар олук уурар. • Ийэ бэйэтин таптаныыта: «Ийэ киһи бэйэтин таптаатаҕына, бэйэтин харыстаатаҕына эрэ, оҕото эмиэ оннук буолуоҕа», — диэн Сахая Прокопьевна ийэлэри бэйэлэригэр болҕомтолоох буолалларыгар ыҥырда. • Иэйиини салайыы: Санаа куһаҕан буоллаҕына, ону хайдах салайарга, хайдах «иһирэхтик» сахалыы тыыннаахтык санааҕын чэбдигирдэргэ сүбэлэрэ олус туһалаах буоллулар. Түмүк Ийэлэр бу күн психологтан кэлэр оҕолорун кытта хайдах алтыһар туһунан элбэх ыйытыыга хоруй ыллылар. «Оҕо — дьиэ кэргэн килбэйэр күнэ, оттон ийэ — ол күнү сандаардар уот», — диэн Сахая Прокопьевна үтүө тылларынан түмүктээтэ. Бырайыакпытыгар быһаччы үлэлэспит, консультацияласпыт «Мэдиссиинэ киинин» педиатр бырааһа Елена Михайловна Харабаева онлайн ситиминэн кыттан, оҕолор анализтарын түмүгүнэн ийэлэргэ чопчу сүбэлэри биэрдэ. Ийэлэр бэйэлэрин долгутар ыйытыыларыгар идэлээх быраастан тустаах хоруйу ылан, улаханнык дуоһуйдулар. Биһиги улахан ытыктабыллаах ыалдьыппыт, медицина үтүөлээх бэтэрээнэ Зинаида Ивановна Федорова эдэр ийэлэргэ олус истиҥ сүбэлэрин биэрдэ. Кини күннээҕи олоххо доруобуйаны хайдах харыстыыры, оҕону кытта хайдах тупсаҕайдык алтыһары кэпсээтэ. Ону таһынан, ийэлэри кытта бииргэ йога асаннарын көрдөрөн, эт-сиин чэгиэн буолуутугар аналлаах дьарыгы ыытта. Ийэлэр бу дьарыгы олус сэргииллэрэ, бэйэлэрин дьоҕурдарын арыйаллара кэрэхсэбиллээх буолла. Бу тэрээһин ийэлэр бэйэ-бэйэлэрин кытта алтыһалларыгар, уопут атастаһалларыгар улахан тирэх буолла. «Здоровья семья — Здоровый Малыш» бырайыакпыт түмүктэнэр да буоллар, ийэлэрбит доруобуйа туһунан билиилэрэ салгыы оҕолорун иитэргэ көмөлөһүөҕэ. Махтал — бары кыттыбыт ийэлэргэ уонна ыалдьыттарбытыгар! Чэгиэн буолуҥ!