Духуобунай иитии үлэтин уонна «Музыка барыбытыгар» бырайыак чэрчитинэн улуустааҕы көрүү. — 11 апреля 2026 г. в 03:40:27.832
Духуобунай иитии үлэтин уонна «Музыка барыбытыгар» бырайыак чэрчитинэн улуустааҕы көрүү. Сыала: Оҕо саадтарыгар духуобунай-иитии үлэтин хаачыстыбатын үрдэтии. Соруктара: • Нэһилиэк, улуус уонна өрөспүүбүлүкэ устуоруйатын кытта оҕону билиһиннэрии. • Төрөөбүт норуот үгэстэригэр ытыктабылы иитии. • Уус-уран ааҕыыга, оһуохайга уонна хорунан ыллааһыҥҥа үөрэтии. • Оҕоҕо патриотическай, эстэтическэй уонна иитиилээх буолуу иэйиитин сайыннарыы. Көрүҥнэрэ: 1) Сахалыы сайдыылаах эйгэни тэрийии. 2) Уус-уран ааҕыы. 3) Хорунан ыллааһын. 4) Оһуохай. 5) Музыкальнай инструменнарга оонньооһун уонна фольклор көрүҥэ (талаллыы). Көрүү-истии хаамыыта (Отчетнай сурук): Бу көрүүгэ оҕолорбут бэйэлэрин дьоҕурдарын киэҥник көрдөрдүлэр: • Уус-уран ааҕыы: Оҕолор норуот суруйааччыта Семен Данилов хоһооннорун доргуччу, иэйиилээхтик аахтылар. • Хорунан ыллааһын: «Алтан арыы төбөчөөнөр» уонна «Пусть всегда будет солнце» ырыалар ып-ыраастык ыллыырга үөрэммиттэрин көрдөрдүлэр. • "Дуораанчык"фольклорнай бөлөх сахалыы музыкальнай инструменнарга доҕуһуоллаан, сахалыы попурри толорон, дьүүллүүр сүбэни сөхтөрдүлэр. • Оһуохай: Оһуохай этээччинэн Терентьева Мичийэ тахсан, оҕолору түмэн, сахалыы эйгэни үөскэттэ. Дьүүллүүр сүбэ тэриллибит «Сахалыы муннуктары» кэрийэн, иитии-үөрэтии эйгэ хайдах тэриллибитин, оҕо олоҕор сахалыы тыын хайдах иҥэриллибитин көрдүлэр.