2026 сыл муус устар 10 күнүгэр биһиги уһуйааҥҥа өрөспүүбүлүкэтээҕи таһымнаах сэминээр б... — 11 апреля 2026 г. в 03:37:44.543
2026 сыл муус устар 10 күнүгэр биһиги уһуйааҥҥа өрөспүүбүлүкэтээҕи таһымнаах сэминээр буолан ааста. Тэрээһин сүрүн тиэмэтэ — «Оҕо саадтарын хапытаалынай өрөмүөнэ: Аһыма «Одуванчик» оҕо саадын ситиһиилээх практикатын уопута». Сэминээр кыттааччылара үс сүрүн хайысханан үлэлээтилэр: 1) «Хапытаалынай өрөмүөнү тэрийии түһүмэхтэрэ»: экспертэр Данилов К.В. -ГКУ «Центр ресурсного обеспечения и развития образования РС (Я)» директорын солбуйааччыт , Протопопов А.В. - Управления архитектуры, градостроительства и коммунальной инфраструктуры МР «Горный улус» начальнига өрөмүөнү былааннааһынтан саҕалаан, юридическай уонна архитектурнай ирдэбиллэри тутуһуу туһунан дириҥ ырытыыны оҥордулар. Горнай улууһун Аһыма нэһилиэгин «Одуванчик» оҕо саадын сэбиэдиссэйэ Парникова Д.Я. хапытаалынай өрөмүөнү тэрийиигэ бэйэтин уопутун үс түһүмэххэ араартаан билиһиннэрдэ: 1. Былааннааһын уонна бэлэмнэнии • Ирдэбили үөрэтии: «Хапытаалынай өрөмүөн диэн — бу соҕотох эркин саҥардыыта буолбатах. Бу — докумуоннаах, ирдэбиллээх улахан үлэ», — диэн сэбиэдиссэй бэлиэтээтэ. • Хамаанданы тэрийии: Тэрилтэ иһигэр өрөмүөнү хонтуруоллуур анал комиссияны тэрийии. Төрөппүттэри кытта алтыһыы, кинилэр баҕа санааларын учуоттааһын. • Хааччыллыы: подрядчиктары, строителлэри кытта кэпсэтии, матырыйаал хаачыстыбатын чинчийии. 2. Өрөмүөн бырассыаһын салайыы • Хонтуруол: «Күннээҕи хонтуруол — ситиһии төрдө», — диир Д.Я. Парникова. Строителлэр үлэлэрин хас биирдии чааһын, быраабыланан толорулларын кэтээн көрүү. • Дьиэ кэргэн уонна тэрилтэ бииргэ үлэтэ: Өрөмүөн кэмигэр оҕолор үөрэхтэрин быспакка, альтернативнай площадкалары булуу, иитээччилэр уонна төрөппүттэр кыттыгастаах үлэлэрэ. • Кыһалҕаны быһаарыы: Үлэ кэмигэр үөскээбит моһуоктары (холобур, матырыйаал кэлиитэ, сыаналаах суоллар) тутатына быһаарыы. 3. Запуск уонна саҥа үөрэх эйгэтин аһыллыыта • Оборудование: Өрөмүөн кэнниттэн аныгы ирдэбиллээх мебель, оонньуурдар, үөрэх тэриллэрэ. • Дизайн: «Одуванчик» бэйэтэ туспа өҥнөөх, ураты дизайыннаах, оҕо уйулҕатыгар аналлаах эйгэни тэрийии. • Түмүк: «Өрөмүөн бүтүүтэ — бу саҥа үлэ саҕаланыыта. Билигин биһиги оҕолорбут аныгы, сырдык, кэрэ эйгэҕэ үөрэнэллэр», — диэн түмүктээтэ сэбиэдиссэй. 2) «Эффективнай тэрилинэн хааччыйыы»: Иитээччи Капитонова Н.С уонна контрактнай сулууспа үлэһиттэрэ - Семенова А.Д., Артамонова Т.Ф. оҕо саадын аныгы оборудованиенан хааччыйыыга туох кыһалҕалар баалларын уонна кинилэр хайдах быһаарыллыбыттарын кэпсээтилэр. 3) «Аныгы үөрэх эйгэтин тэрийии»: Иитээччилэр Егорова Ф.Б., Терентьева С.Е. уонна улуустааҕы үөрэҕирии управлениятыттан Егорова А.Е. иитии-үөрэтии үлэтин өрөмүөн кэмигэр хайдах быспакка ыытыахха сөбүн уонна дизайн саҥа көрүҥнэрин туһунан бэйэлэрин уопуттарын үллэһиннилэр. Ыалдьыттар уонна экспертэр сыанабыллара Сэминээргэ министиэристибэ исписэлииһэ Васильева Т.Н., Ньурба улууһун Үөрэхтээһин дьаһалтатын салайааччыта Ушканов Ф.Ф. уонна да атын улахан экспертэр кытыннылар. Ыалдьыттар Аһыма оҕо саада хапытаалынай өрөмүөнү ситиһиилээхтик аһарбытын уонна аныгы үөрэх эйгэтин олохтообутун үрдүктүк сыаналаатылар. «Одуванчик» оҕо саада бу сэминээринэн өрөспүүбүлүкэ үрдүнэн биир бастыҥ холобур буолбутун көрдөрдө. Сэминээр түмүгүнэн, оҥоһуллубут үлэ — бу оҕолорбут чэбдик, кэрэ эйгэҕэ улааталларын туһугар оҥоһуллубут сүрүн суол.