Тиде кечылаште Йошкар-Олаште тӱнямбал кӱкшытан икымше этнический кинофестиваль эртаралтеш. — 16 июня 2026 г. в 10:26:09.636
Тиде кечылаште Йошкар-Олаште тӱнямбал кӱкшытан икымше этнический кинофестиваль эртаралтеш. Тудын жапыште Рӱдо каныме паркыште кино-влакым кава йымалне ончыктат. 17 июньышто 10:30 минутлан «Айболит-66» . 18 июньышто 10:00 «Двое в одной жизни, не считая собаки» , 18:00 «Айболит-66». 19 июньышто 20:30 минутлан Андрей Огородниковын «Последний лепесток» фильжым ончыктат. Тудым Марий Элыште сниматленыт. Фильм Валентин Катаевын палыме йомакшым кызытсе жаплан келыштарен ончыкта. Тиде регионысо проект дене ятыр еҥ пашам ыштен: режиссер Андрей Огороников, композитор Григорий Архипов, проектын художественный вуйлатышыже Константин Иванов. Каласыман, Йошкар-Олаште Я.Эшпай лӱмеш филармонийыште икымше гана тӱнямбал кӱкшытан этнический кинофестиваль почылтын. Тушко Иран, Индий, Кыргызстан, Таджикистан, Узбекистан, тыгак Российын регионлаж гыч участник-влак ушненыт. Жюри да толшо уна-влак Йыван Кырлан памятникше воктене фотом ыштеныт.