С.Чавайн лӱмеш калыкле книгагудышто таче 16 июньышто 17:30 минутлан черетан вашлиймаш. — 16 июня 2026 г. в 09:34:09.709
С.Чавайн лӱмеш калыкле книгагудышто таче 16 июньышто 17:30 минутлан черетан вашлиймаш. Тушто тӱрлӧ фестивальыште палемдалтше книга да нунын авторышт дене вашлияш темлат. Марий книга издетальстве тений икмыняр конкурс да фестивальыш миен. Тудын лукмо ныл книгаже награде дене палемдалтын. Иван Ямбердовын «Родная земля» альбомжо Уфаште «Китап-Байрам» тӱнямбал фестивальыште I степенян лауреат лийын. Тылеч ончыч тиде альбомак Ижевскыште II степенян лауреат семын палемдалтын. Андрей Столяров «Подземные сокровища Марийского края» книга дене Уфаште III степенян дипломант лийын. Владимир Мальцевын «Открой для себя Марий Эл» путеводительже тыгак диплом дене палемдалтын. Белорус автор-влакын марий йылмыш кусарыме «Аист-влакын шӱдыран корнышт» книгалан Уфаште тыгак дипломым кучыктеныт. Тиде книгам марий йылмыш Юрий Соловьев кусарен да чумырен.