Выпускник-влакын вузлашке тунемаш пурымо шотышто RAEX агенство рейтингым ыштен. — 2 сентября 2026 г. в 09:45:17.434
Выпускник-влакын вузлашке тунемаш пурымо шотышто RAEX агенство рейтингым ыштен. «Медицина» направленийыш пурымо дене Российын 100 эн виян тунемме вер коклаште Шуко профилян лицей интернат 31 верыште, Политехнический лицей-интернат 90 верыште. «Социальные и гуманитарные направления» сферыште «Синяя птица» гимназий 82 верыште. Агентство тыгак кажне регионышто школ-влакын рейтингыштым ыштен. Марий Элыште вӱдышӧ школ семын Политехнический лицей-интернатым, Бауман лицейым, 11-ше номеран лицейым палемденыт. Тыгак 10 эн виян радамыште Шуко профилян лицей интернат, «Мегатех» лицей, Экономико-правовой гимназий, 28–ше номеран лицей, 14-ше номеран гимназий, «Синяя птица» да 4-ше номеран гимназий-влак. Туныктыш да шанче министр Лариса Ревуцкая тунемме вер-влакым тиде кӱкшыт деен саламлен.