8 сентябрьыште Марий Элыште Россий калык-влакын йылмыштын кечышт палемдалтеш. — 7 сентября 2026 г. в 15:33:11.017
8 сентябрьыште Марий Элыште Россий калык-влакын йылмыштын кечышт палемдалтеш. Тудым Россий Президент Владимир Путинын Указше дене келшышын калык поэт Расул Гамзатовын шочмо кечынже эртарат. Марий Элыште тиде кечым икмыняр площадкыште эртарат. Марий Эл Кугыжаныш Погын Марий кугыжаныш университет, Россий калык-влакын ассамблейын регионысо отделенийже, В.Васильев лӱмеш Марий шымлыше институт дене пырля икмыняр вашлиймашым темла. Марий кугыжаныш университетыште «Гастрономический код Марийского края» книган презентацийже лиеш, тыгак митрополит Вениаминлан шарнымаш оҥам почыт. Тудо марий грамматикым вияҥдымаште кугу пашам шуктен. Калык-влакын келшымаш пӧртыштышт тыгак марий, руш, чуваш, удмурт, татар да руш йылме дене ой йоҥгаш тӱҥалеш. Тидын дене пырля пайрем Эрик Сапаев лӱмеш опер да балет театрыштат лиеш. Тушто пайремле концерт 14 шагатлан тӱҥалеш.