Сайлымаш кече марте кок арня наре кодын. — 7 сентября 2026 г. в 14:45:09.368
Сайлымаш кече марте кок арня наре кодын. Тидын вашеш республикыште сайлымаш бюллетень-влакым савыктеныт. Чылаже 1 миллион утла бюллетеньым ямдыленыт, Тышечын пелыже – партий списке дене йӱклаш, пелыже – ик мандатан округ дене. Кодшо ийла семынак бюллетень-влакым икмыняр йӧн дене аралат, а сайлымаш вашеш тушто сайлымаш комиссийын печать да член-влакын кидпалышт лийыт. Бюллетень-влакым спецсвязь дене типорафий гыч наҥгаеныт, нуным лишыл кечылаште участкысе комиссийлаш колтат. Сайлымашын пытартыш кечыштыже уто бюллетеньым комиссийын еҥыштын эскерымышт дене пытарат. Ушештарена, Марий Элыште сайлымаш 18, 19 да 20 сентябрьыште эртаралтеш. Республикыште илыше-влак Россий Кугыжаныш Думын депутатше-влакым ойырат. Тидын нерген пырля икмыняр округышто верысе депутат-влакым сайлымаш лиеш.