Кеч тоштерыш, кеч театрыш – Пушкин карт дене. — 7 сентября 2026 г. в 17:34:09.294
Кеч тоштерыш, кеч театрыш – Пушкин карт дене. Марий Элыште Пушкин карт дене пайдаланыше-влакын чотышт кушкын толеш. Сентябрьыште ты программылан 5 ий лийын. Август мучашлан Марий Элыште пайдаланыше-шамычын чотышт 42 тӱжем еҥ марте кушкын. Идалык тӱҥалтыш гыч 17 миллион утла теҥгелан 38 тӱжем утла билетым ужалыме. Таче Марий Эл мучко «Пушкин карт» программе почеш 78 тӱвыра тӧнеж пашам ышта. Нуно выставке, концерт, кинопоказ, спектакль, экскурсийлашке ӱжыт, кумда афишым темлат. Ушештарена, Пушкин карт дене 14 гыч 22 ияш марте кажне самырык еҥ пайдаланен кертеш. Кажне ийын ты картыш кугыжаныш 5 тӱжем теҥгем пышта. Тудым лачшымак тоштерыште, театрыште, кинотеатрыште да моло тӱвыра тӧнежыште билетлан кучылташ лиеш. Программыш ушнаш йодмашым «Кугыжаныш услуго» портал гоч колтыман.