Корнылаште шордо-влак вашлиялтын кертыт, тӱткӧ лийза. — 6 сентября 2026 г. в 14:43:09.007
Корнылаште шордо-влак вашлиялтын кертыт, тӱткӧ лийза. Кызыт нунын кӱтласыме жапышт, садланак узо шордо-влак торжалыкымат ончыктен кертыт. «Кугу Какшан» заповедникын специалистше-влак видеом вераҥденыт. Тушто узо шордо пеҥгыдемын шушо тӱкыжым ава шордо верч кучедалмаште веле огыл, тыгак вийым ончыкташ кучылтеш. Специалист-влак палдарат: тиде жапыште узо шордын тестостеронжо кӱза, янлык ава верч ӱчаша, еҥым, пийым вашлийме годым осаллыкымат ончыктен кертеш. Тидын годым чодыраште коштмо годымат тӱткӧ лийман, шордын коштмо йӱкшым колмеке, пушеҥге шеҥгек шылман да шып шогыман. Автомашина дене кудалыштме годым правилым шекланыман да тыгак тӱткылыкым аралыман.
185 просмотров