Республикын районлаштыже шыже кумалтыш-влак эртаралтыт.
Республикын районлаштыже шыже кумалтыш-влак эртаралтыт. Тений тӱня кумалтыш Кужэҥер районысо Шортонышто 18 октябрьыште лиеш. Районлаште ял, мер кумалтыш-влакат эртат. 27 сентябрьыште – Советский район Пивактын почиҥга, Кукмарий ял, Параньга район Тошкемнур, Марий Турек район Кӱшыл Турек ял отылаште. 1 октябрьыште – Советский район Кугунур ял отышто. 4 октябрьыште – Советский район Тапшер ял отышто мер, Яҥгранур ял кумалтыш-влак. 11 октябрьыште – Советский район Опанассола, Шуймучаш, Кундышӱмбал ялласе отылаште. Марий Турек районышто Турек Султанлан вуйым сават. 18 октябрьыште Параньга район Олор отышто, 25 октябрьыште – Марий Турек район Арбор кундемысе, Марий Пыламарий ялысе отылаште. 15 ноябрьыште – Марий Турек район Ӱлыл Турек, Сардаял отылаште. Моло кундемлаште кумалтышым эртарыме кече рашемдалтеш.