Йошкар-Олан архитектур шотышто Советше «Город-лес» проектым сайлан шотлен.
Йошкар-Олан архитектур шотышто Советше «Город-лес» проектым сайлан шотлен. Тиде проект дене Изи Какшан эҥер серыште – Ленинский проспект гыч Петров урем марте кумдыкышто ятыр объектым чоҥат. Тиде верыште Марий парк, Рӱдӧ парк да Тазалык аллей верланеныт, нуно ончысо семынак аралалтыт. «Город-лес» проект тӱрлӧ ийготан-влаклан келшен толеш, тудын дене пӱртӱсым аралат, тыгак у объект-влакым чоҥат. Ончыкыжым инвестор-влакым ушен, шуко пачеран пӧрт-влакымат чоҥат. Тидын дене пырля скейт-парк, унагудо комплекс, калык кочкыш ресторан да молат лийыт. Марий Эл вуйлатыше Юрий Зайцевын темлымашыже дене, проект публичный слушаний гоч эртен. Йодыштмашке 7 тӱжем утла еҥ ушнен, тышечын 6 тӱжемже проектым сайлан шотленыт. Советын еҥже-влак темлымаш-влакым шотыш налыныт. Юрий Зайцев «Колесо обозрения» аттракционым уэш пӧртылташ, кукшо фонтаным да планетарийым ышташ темлен.