Мемнан республикыште пӧртлаш шокшым октябрьын икымше кечылаштыже пуат.
Мемнан республикыште пӧртлаш шокшым октябрьын икымше кечылаштыже пуат. Регион вуйлатыше Юрий Зайцев шыже-теле пагытлан илышлан кӱлешан да социал сфере объект-влакын пашам ышташ ямде улмышт шотышто совещанийым эртарен. Чоҥымаш, архитектур да илымвер-коммунал озанлык министр Александр Горбунов палдарен, телылан шуко пачеран 99,9% пӧрт ямде улыт, тыгак 848 социал объект: школ, эмлымвер да йочасад. Улшо паша график дене келшышын кая. Ресурсоснабжающий органиазций-влак шокшым пуымо шотышто ойпидышым пенгыдемдат. Республикыште аварийно-восстановительный пашам шукташ 171 бригадым ямдыленыт. Чоҥымаш да ЖКХ министерстве пелен кӱлеш шапашым ямдыленыт, тыгак блочно-модульный кум котельныйым, куснылшо дизель-генераторым налшаш улыт. Йошкар-Ола, Волжск да Медведевышто капремонтым 5 пӧртыштӧ мучашлен огытыл, садлан акт-влакым пеҥгыдемден огытыл. Тиде пашам ты кечылаште мучашлышаш улыт. Видеоконференций йӧн дене регион вуйлатышылан докладым муниципал образований-влакын вуйлатышышт ыштеныт.