Йошкар-Ола гыч Козьмодемьянск трактыш лекмаште развязкым чоҥат.
Йошкар-Ола гыч Козьмодемьянск трактыш лекмаште развязкым чоҥат. Корным чоҥымаште тиде ик эн кугу проект. У транспорт развязкым Руэм посёлко воктене ыштат. Тиде участкыште чӱчкыдын корно туткар-влак лийыт. Проект тиде проблемым кораҥдаш полшышаш, - палемден транспорт министр Александр Герасименко МЭТР телеканаллан интервьюшто. Проектын акше - 10 миллиард теҥге. Тудым кок этап дене шуктат. Икымше йыжыҥыште корным куд полоса марте шарат, кӱртныьгорно ӱмбач путепроводым чоҥат. Кокымшо йыжыҥыште Йыван Кырла, Строитель да Западный урем-влак ушнымаште кок кӱкшытан оҥган (кольцевой) развязкым ыштат. Пашам мучаш марте кум ий жапыште ыштен шуктышаш улыт, - палемден министр. Проект почеш йолешке-влакланат инфраструктурым келыштарат. Кӱртньыгорно ӱмбач вончак да велосипедист-влаклан посна полоса лийшаш.