Марий самырык театрлан - 35 ий.
Марий самырык театрлан - 35 ий. Театр 1991 ийыште Йошкар-Олаште марий калыкын да самырык тукымын илышыжым ончыктышо усталык рӱдер семын шочын. Тудын икымше художественный вуйлатышыже - Олег Иркабаев. Театр шке пашажым ончыч Академический руш театр драмын сценыштыже, а вара Республикысе курчак театрын сценыштыже тӱҥалын. Икымше постановкылаште Сергей Николаевын «Айвика» музыкальный драмыже, Миклай Рыбаковын «Яндар ден Шымавий» йомакше да М. Шкетанын «Эх, илышет, шеремет!..» комедийже ончыкталтыныт. 2014 ий гыч театрын шке полатште уло, 2023–2024 ийлаште театрын оралтыже уэмдалтын. Кызыт театр «Вознесенскийыште самырык-влак театр-рӱдер» лӱм дене пашам ышта. 35 ияш лӱмгечым театрын сценыштыже ойыртемалтше концерт дене палемденыт. Каласыман, тиде концертым эше ик гана 14 ноябрьыште ончыктат. Театрын коллектившым, ветеранже-влакым пайрем дене саламлена.