Бүгүн, ыам ыйын 18 күнүгэр В.В. Алексеев аатынан Мүрүтээҕи уолаттар гимназияларын интер... — 18 мая 2026 г. в 12:54:43.245
Бүгүн, ыам ыйын 18 күнүгэр В.В. Алексеев аатынан Мүрүтээҕи уолаттар гимназияларын интернатыгар үөрүүлээх, кэтэһиилээх тэрээһин - библиотека арыллыыта буолан ааста. Былырыын интернакка библиотека арылларынан акция биллэриллибитэ: "Подари книгу интернату", бу акция чэрчитинэн элбэх, араас үчүгэй ис хоһоонноох кинигэлэр бэлэхтэммиттэрэ. Махтал тылларын этиэхпит этэ кинигэ бэлэх ууммут гимназия, интернат үлэһиттэригэр, куруук өйдүүр-өйүүр төрөппүттэрбитигэр, нэһилиэктэр администрацияларыгар, библиотекаларыгар, музейдарыгар, культура үлэһиттэригэр, оскуолаларга, улуустааҕы ветераннар советтарыгар. Бүгүҥҥү үөрүүлээх тэрээһиммитигэр 5 кылаас үөрэнээччилэрэ бэйэлэрэ кинигэ туһунан айбыт хоһооннорун аахтылар, 8 уонна 11 кылаас уолаттара ылбаҕай ырыанан кэлбит ыҥырыылаах ыалдьыттары эҕэрдэлээтилэр. Өр сылларга интернакка сэбиэдиссэйинэн үлэлээбит Галина Никитична, өр сылларга гимназияҕа үлэлээбит ветеран учуутал Тамара Михайловна, Мүрүтээҕи уолаттар гимназияларын директора Валерий Валерьевич Рожин, төрөппүт Валентина Гаврильевна Басыгысова «Сыккыс» библиотека үлэһиттэрэ кэлэннэр үөрүүбүтүн үллэстэн, эҕэрдэ тылларын этэн, сэмэй бэлэхтэрин туттардылар. Библиотекабыт арылларыгар бэйэлэрин кылааттарын уурбут, стеллаж атыылаһан биэрбит убаастабыллаах төрөппүттэрбитигэр, библиотека арылларыгар күүс-көмө, сүбэ-ама буолбут Мүрүтээҕи уолаттар гимназияларын библиотекарыгар Розалия Викторовна Андросоваҕа, полкалары сакаастаан, мээрэйдээн биэрбит директоры хаһаайыстыбаннай чаас солбуйааччытыгар Осипов Иван Михеевичка, интернаппыт библиотекатыгар кириэһилэ оҥорон бэлэх ууммут Оллонов Геннадий Николаевичка, лазерынан чочуллан оҥоһуллубут суругу бэлэхтээбит Оллонова Майя Николаевнаҕа интернат коллективын, оҕолорун аатыттан улахан барҕа махталбытын этэбит. Библиотекабытыгар оҕолор элбэх кинигэ ааҕаннар, билиилэрэ хаҥаан, олохторугар туһалаах олук буолуо диэн бигэ эрэллээхпин. Мүрүтээҕи уолаттар гимназияларын интернатын сэбиэдиссэйэ Татьяна Пантелеевна Оллонова.