От ый 5 күнүттэн, от ыйын 12 күнүгэр дылы, Н.И. Прокопьев аатынан Хатыы орто оскуолата,... — 13 июля 2026 г. в 17:01:46.464
От ый 5 күнүттэн, от ыйын 12 күнүгэр дылы, Н.И. Прокопьев аатынан Хатыы орто оскуолата, А.В.Ксенофонтов аатынан экспедиционнай балаакка ≪Хоһуун≫ лааҕыра, Мэҥэдьэк нэһилиэгин ытык, киэҥ-нэлэмэн күөх сыһылаах, ыраас кыраһыабай Марха эбэ өрүс үрдүгэр ≪Ылгыдьаак≫ диэн сиргэ, 7 күннээх үлэтин этэҥҥэ түмүктээн кэллэ☺️😍 Быйыл бу лааҕырбыт ураты таһым лааҕыр буолла, тоҕо диэтэххэ лааҕырбытыгар кэлиҥҥи кэмҥэ 15-20 оҕону ылар эбит буоллахпытына, бу быйыл 34 оҕону ылан лааҕырбытын этэҥҥэ түмүктээн кэлэн олоробут👏Лааҕырбытыгар Ньурба куоратын араас оскуолаларын бастыҥ үөрэнээччилэрэ, ыаллыы сытар Бордоҥмут буойун-чулуу оҕолоро уонна Хатыыбыт оскуолатын хоһуун оҕолоро суруттаран, ≪ХОҺУУН≫ лааҕыры киэргэтиэн киэргэттилэр ☺️👍🏻 Хас сыл аайы бу ыытар лааҕырбытыгар айылҕа, халлаан туруга хайдах турарынан оҕолорбутун лааҕырдыыр сиргэ илдьээри араас суол кыһалҕаларын көрсөбүт, ол кыһалҕаларбытыгар биһиги оскуолабытыгар күүс-көмө буолар дьоммут - биһиги Мэҥэдьэкпит үтүө дьонноро буолаллар, биһиги кинилэргэ оскуола дьаһалтатын аатыттан улахан махталбытын биллэрэбит💐🙏🏻 Уонна хаартыскаларга оҕолорбут үөрбүт-көппүт сырайдарын көрөҕүт, бу үөрүүлэри аҕалар биһиэхэ лааҕырбыт үлэһиттэрэ уонна устудьуон практикант доҕотторбут буолаллар, биһиги кинилэргэ эмиэ бу 34 оҕону көрө-истэ сылдьыбыттарыгар эмиэ улахан махталбытын биллэрэбит🙏🏻👏 Оҕолордуун үлэһиттэрдиин бииргэ түмсэн чаҕылхай лааҕыр буолбутун бэлиэтээтибит👍🏻 Лааҕырбыт кэлии оҕолоро номнуо дьиэлэрин булан дьонноругар наһаа үчүгэй лааҕырга сырыттыбыт диэн кэпсии түспүттэрин, оҕолорбут тапталлаах төрөппүттэрэ ситим нөҥүө үлэһиттэргэ махтал алгыс тылларын ыыттылар уонна оҕолорун аныгыс кэлэр сылга хайаан да оҕобун бу лааҕырга сырытыннарыам диэн үлэһиттэри үөртүлэр, аны бу лааҕырбыт иккис түмүк сезона атырдьах ыйын маҥнайгы күнүттэн саҕаланыа☺️🙏🏻 От ыйын 15 күнүттэн Н.И.Прокопьев аатынан Хатыы орто оскуолатын үлэ от ≪Лэкээ≫ лааҕыра үлэтин саҕалаары бэлэмнэнэ сылдьар🤝