От ыйын 15 күнүттэн Н.И. Прокопьев аатынан Хатыы орто оскуолата үлэ-от «Лэкээ» лааҕырын... — 15 июля 2026 г. в 14:58:17.995
От ыйын 15 күнүттэн Н.И. Прокопьев аатынан Хатыы орто оскуолата үлэ-от «Лэкээ» лааҕырын үлэтин саҕалаата🌿😍 Лааҕырбытыгар 20 оҕо сылдьар, бүгүн оҕолорбутун мунньан ууга-уокка, окко туттуллар техникаларга сэрэхтээх буолууга үлэлээтибит уонна үлэһит оҕолорбутун кытта быйылгы «Лэкээ» от лааҕыра этэҥҥэ ааһарыгар тоҕуоруһа мустаммыт лааҕырбытын арыйдыбыт☺️👏 Оҕолорбут быйылгы сезоҥҥа 70 туонна оту оттуохтаахтар, Кулуһуннаах диэн оттуур сирбитигэр👍🏻Оппут үүнүүтэ быйыл үчүгэй🌿Оскуолабытыгар били бу саас Сунтаар Кутанатыттан баран ылбыт STAR-3000 BIG диэн аныгы ааттаах Японскай пресс-подборщикпыт үлэлиэхтээх🙏🏻👍🏻 Оппут былаана бу сырыыга улаатыахтаах кэлиҥҥи кэмҥэ оскуола 20-30 тоннаны оттуур буоллаҕына быйылгы былааҥҥа 70 тонна оту кыайыахтаахпыт✊🏼 Күн-түүн көрөр-истэр биһиги АГРО оскуолабыт хороҕор муостаахтара уонна сыспай сиэллээхтэрэ элбээн иһэллэр🐄🐎Мэҥэдьэкпит нэһилиэкпит дьаһалтатын биир тутаах үлэһитэ уонна тырахтарыыһа оппутугар күүс-көмө буолуохтаах, онон биһиги Мэҥэдьэкпит дьаһалтатыгар уонна тырахтарыыһыгар махталбытын биллэрэбит уонна бары күүһү окко анаатахпыт буоллун🙏🏻🌿 Чуолаан Мэҥэдьэкпит хоһуун ходуот отчуттарыгар баҕарыахпыт этэ, күнү мүччү туппакка, күөх унаар хонууну кууһан, хотуургут сытыы, илиигит күүстээх буоллун💪Күөх бырдах сиэбэтин, үлэҕит үрдүк ситиһиилээх, күрүөҕүт күрүөлээх, кэбиспит откут хайа курдук хараара үрдүү турдун☝️Куйаас от күн куруук күлүмнээтин☀️