Оҕолор от лааҕырыгар үлэлээһиннэрэ — бу Саха сиригэр сайыҥҥы кэмҥэ ыччаты үлэҕэ иитии у... — 24 июля 2026 г. в 12:54:39.790
Оҕолор от лааҕырыгар үлэлээһиннэрэ — бу Саха сиригэр сайыҥҥы кэмҥэ ыччаты үлэҕэ иитии уонна доруобуйаларын чэбдигирдии биир саамай туһалаах уонна үгэс буолбут ньымата буолар. Бу үлэ оҕо сайдыытыгар, айылҕалыын сибээһигэр уонна кэлэр кэскилигэр улахан суолталаах. Ол курдук Н.И. Прокопьев аатынан Хатыы орто оскуолатын ≪Лэкээ≫ от лааҕыра оттуур ходуһаларыгар киирбиттэрэ номнуо иккис күнэ буолла👍🏻 Оҕолор маҥнайгы күннэригэр оттуур ходуһаларынаан билсии күнүн оҥорон лааҕыр үлэһиттэрэ буһарбыт бэлэмнээбит мааны остуолларыгар төгүрүйэ олорон аһаатылар😍 Халлааммыт ходуһаҕа киирии күнүттэн ичигэс итии туруктаах турар🙏🏻 Иккис эрэ күммүт диир эбит буоллахпытына биһиги кырачаан күүстээх оҕолорбут бугул бөҕөтүн күөх ходуһа иһигэр кэчигирэччи туруордулар👍🏻😍 Бу лааҕырбыт биһиги оҕолорбутугар туһата диэн, оҕолор бэйэлэрин күүстэринэн тугу эмэ оҥорорго, тулуурдаах буоларга уонна үлэ от суолтатын өйдүүргэ үөрэнэллэр👏 Сайыҥҥы ыраас салгыҥҥа, айылҕаҕа сылдьыы уонна хамсаныы эт-сиин өттүнэн күүһүрэр усулуобуйаны оҥостор👍🏻 Биир сыаллаах-соруктаах үлэ оҕолору бэйэ-бэйэлэригэр көмөлөһөр буоларга, хамаанданан үлэлииргэ үөрэтэр уонна оҕолор бэйэлэрин бастакы хамнастарын ылан, харчы сыаната тугун өйдүүллэр🙏🏻Онон биһиги кырачаан хоһуун күүстээх үлэһит отчут оҕолорбутугар күүстэн күүс бэрсиэххэйиҥ сэниэбититтэн сэниэ бэрсиэххэйиҥ💪