«Үлэ өрөгөйө мааныта🌾» — 20 августа 2026 г. в 13:12:03.503
«Үлэ өрөгөйө мааныта🌾» Айылҕабыт маанылаан, күн-дьыл туран биэрэн, быйылгы от үлэтин Н.И. Прокопьев аатынан Хатыы АГРО орто оскуолата этэҥҥэ түмүктээтэ. Үлэлэспит, көмөлөспүт үлэһит хоһуун дьоммутугар барҕа махтал✊🏼👍🏻 Кыстыгы сылаастык, этэҥҥэ туоруохха диэн үтүө тыллардаах бүтэһик күммүтүн өрө туттубут🌿 Быйылгы от үлэтин кэмигэр күн-дьыл туран биэрэн, Хатыы АГРО орто оскуолатын кэлэктиибэ от үлэтин былаанын этэҥҥэ толорон, үлэни үмүрүттүлэр. Оскуола иитэр-үөрэтэр үлэтигэр оҕону кыра сааһыттан үлэҕэ иитии, төрөөбүт сиргэ-уотка тапталы иҥэрии биир тутаах хайысхата буолар. Ол курдук, быйылгы сайын оскуолабыт «Лэкээ» лааҕыра биир киһи курдук турунан, күүрээннээхтик үлэлээн, кыстыкка наадалаах отторун толору бэлэмнээтилэр. Бу улахан хаһаайыстыбаннай үлэҕэ күүс-көмө буолбут Мэҥэдьэкпит дьаһалтатыгар үлэһиттэригэр, эрчимнээхтик кыттыспыт лааҕыр оҕолоругар оскуола дьаһалтата барҕа махталын биллэрэр. Үлэ үөрүүтэ дьиэ кэргэн аайы үрүҥ тунах быйаҥ буолан сырдык сыдьаайынан сыдьаайдын😍👏 Саха киһитигэр саамай күүрээннээх уонна эппиэтинэстээх кэм — от үлэтэ. Түмүгэ да чаҕылхай — быйылгы от үлэтэ ситиһиилээхтик үмүрүйдэ👏Куйааһы, үөнү-кумаары аахсыбакка, сир иччитин аһатан, төрүт үгэспитин тутуһан үлэлээбит хамаандабыт бэриниилээх үлэтэ хайҕалга эрэ тахсар☝️Оҕолор улахан дьону кытта тэҥҥэ сылдьан үлэ хайдах барарын, сир сылааһын билэн, дьиҥнээх олох оскуолатын аастылар🤝Быйылгы оппут былаанын ыллыбыт кыайдыбыт🤝 Күөх быйаҥмыт ирэ-хоро сылаас кыстыгы тосхойдун🙌🏻