Ньурба улууһун Н. И. Прокопьев аатынан Хатыы агро-оскуолата бэйэтин хаһаайыстыбатын кэҥ... — 11 августа 2026 г. в 09:23:39.936
Ньурба улууһун Н. И. Прокопьев аатынан Хатыы агро-оскуолата бэйэтин хаһаайыстыбатын кэҥэтэр уонна тыа хаһаайыстыбатын хайысхатын сайыннарар сыалтан сүөһү ахсаанын элбэтэр. Ол курдук атырдьах ыйын 10 күнүгэр оскуолабыт директора Тимофеев Владимир Гаврильевич, оскуола директорын агро өттүгэр солбуйааччыта Егоров Ньургустаан Тимофеевич уонна оскуолабыт биология үөрэх предметын учуутала Тимофеев Семен Семенович Ньурба улууһун саамай биллэр, улахан уонна кэскиллээх нэһилиэгиттэн Ньурба куоратыттан утары 15 биэрэстэлээх сиргэ сытар Күндээдэ диэн кэрэ көстүүлээх мааны дьоннордоох дойдуттан, оскуола уонна нэһилиэк хаһаайыстыбатын сайдыытыгар диэн 20 ньирэйи тиэйэн аҕаллылар👍🏻 Оскуола саҥа ынахтары ылан улахан кэскиллээх үлэни ыытары этэҥҥэ үс лааҕыры түмүктээн саҥа үөрэх дьылыгар бэлэмнэнии үлэтин саҕалаата👏 Сыалай 20 ньирэйи оскуолабытыгар биэрдилэр, эдэр кэскиллээх үлэһиттэри өйөөбүт өйдөөбүт дьоннорбут буолаллар АО "Кюндядинская им. Николаева И.В. - Бытык Уйбаан" (Күндээдэ агроферма) салайааччыта Николаев Семен Николаевич уонна зоотехник Вера Васильевна✊🏼 Бу тэрилтэ туһунан кылгастык кэпсии суруйа түһэр буоллахха Ньурба улууһун Күндээдэ нэһилиэгэр баар, үрүҥ аһы уонна племенной (боруудалаах) ынах сүөһүнү, сылгыны иитиитинэн дьарыктанар улахан тыа хаһаайыстыбатын тэрилтэтэ буолар. Биһиги кинилэргэ оскуолабыт ааттыттан үлэһиттэриттэн улахан махталбытын биллэрэбит🙏🏻👏Үлэҕит өссө да ситиһиилэннин, көрөр-истэр сүөһүлэргит өрүү да элбии турдуннар👏 Нэһилиэкпит уонна оскуолабыт хаһаайыстыбата сайдарыгар биһиги салҕыы күүскэ үлэлиирбитигэр күүспүтүгэр күүс буоллугут✊🏼😍