ОСКУОЛА ОЛОҔОР СУОЛТАЛААХ ТҮГЭН: БЭРЭСИДЬИЭНИ ТАЛЫЫ БЫЫБАРА🗳️
ОСКУОЛА ОЛОҔОР СУОЛТАЛААХ ТҮГЭН: БЭРЭСИДЬИЭНИ ТАЛЫЫ БЫЫБАРА🗳️ Саха сиригэр Судаарыстыбаннай Дуума дьокутааттарын талыы быыбара 2026 сыл балаҕан ыйын 18, 19 уонна 20 күннэригэр үс күн устата ситиһиилээхтик ыытылынна. Саха сиригэр ыытыллыбыт быыбарга «Биир сомоҕо Россия» (Единая Россия) баартыйа уонна кини хандьыдаата Петр Шамаев эрэллээхтик кыайдылар👏 Ол курдук балаҕан ыйын 26 күнүгэр Н.И. Прокопьев аатынан Хатыы орто оскуолатыгар оскуола бэрэсидьиэнин талыы үрдүкү таһымҥа тэриллэн ааһаары турар🙌🏻 Саҥа үөрэх сыла саҕаланыыта уонна күһүҥҥү кэм — оскуолабыт олоҕор саамай эппиэтинэстээх уонна долгутуулаах кэм. Биһиги уопсастыбаннай олохпутун салайар, үөрэнээччилэр интэриэстэрин көмүскүүр уонна саҥа интэриэһинэй бырайыактары олоххо киллэрэр сыалтан лиидер хаачыстыбалаах уонна эрэллээх үс бастыҥ хандьыдаата бэйэлэрин кыахтарын боруобалыырга уонна оскуоланы тупсарарга турунаннар, официальнайдык бэлиэтэннилэр👍🏻 Хас бирдии хандьыдаат бэйэтин туһунан быыбар иннинээҕи былааннарын (программаларын) суруйан уопсай стендэҕэ таһаарда. Кинилэр оскуола олоҕун өссө ордук көхтөөх, интэриэһинэй гынар сыалтан маннык хайысхалары торумнууллар👍🏻 «Хас бирдии үөрэнээччи куолаһа — оскуолабыт кэскилэ! Кэлэн, бэйэҥ талыыгын оҥор уонна оскуолаҥ олоҕор кыттыс!» — диэн ыҥыраллар оскуола инникитэ ситиһиилээх кыайыылаах сырдык буоллун диэн баҕарар үс хандьытаат👏 Хандьыдааттарга барыларыгар ситиһиини уонна кырдьыктаах күрэстэһиини баҕарабыт! Онтон эн кимиэхэ куоластыаҥ этэй? Бу ааттаммыт оҕолор кытыыларыгар бэлиэтэммит эмодзи баар онон баттаан бэлиэтэн👇 Архипова Сайнаара (10 кылаас)- 👍🏻 Анисимов Дьулустаан (10 кылаас)- 💯 Ноговицын Дьулустаан (9 кылаас) - 👏