Тыаҕа, айылҕаҕа оскуола оҕолорунаан 4 хонуктаах экспедиция🏕️
Тыаҕа, айылҕаҕа оскуола оҕолорунаан 4 хонуктаах экспедиция🏕️ Бу маннык экспедиция олус көхтөөх, интэриэһинэй уонна оҕо майгытын-сигититин сайыннарар👍🏻 Айылҕаны кытта билсии, тулалыыр эйгэҕэ харыстабыллаах сыһыаны иитии, бэйэ-бэйэҕэ көмөлөсүһүү, усулуобуйаҕа үөрэнии (выживание) уонна эр киһиэхэ наадалаах сатабылларга үөрэтии🤝 Бу күһүҥҥү көмүс күннэригэр, таһырдьа маҥнайгы тоҥоруу кэмигэр Н.И. Прокопьев аатынан Хатыы орто оскуолатын уолаттарыгар олус туһалаах уонна умнуллубат түгэн буолла. Оскуолабыт 10 кылааһын уолаттара салайааччыларын кытта айылҕа уорҕатыгар 4 күннээх уһун хаамыылаах экспедицияны ситиһиилээхтик түмүктээн кэллилэр. Экспедиция сүрүн сыалынан — уолаттар олоххо тулуурдаах, айылҕаҕа сылдьар сиэри-туому билэр, бэйэ-бэйэҕэ тирэх буолар эр санаалаах дьон буола улааталларыгар көмөлөһүү буолла. 4 күн иһигэр уолаттар улахан дьону кытта тэҥҥэ уһун суолу хаамтылар, тыаҕа сырыттылар, үүтээннэринэн хоннулар уонна котелокка аһылык астанарга үөрэннилэр. Ону таһынан, айылҕаҕа уот оттуу куттал суох буолуутун сиэрин тутуһан, компаһынан уонна тулалыыр эйгэнэн сирдэтинэргэ, айылҕаны харыстыырга үөрэнэн, практическай билиини ылыстылар. Киэһэлик үүтээн иһигэр олорон убайдарыттан сүбэ ама ыллылар, эр киһи хаачыстыбатын, доҕордоһуу туһунан истиҥ кэпсэтиилэр таҕыстылар. Учууталбыт Ксенофонтов Анатолий Васильевич иилээн-саҕалаан тэрийбит хаамыытын экспедициятын сөргүттүбүт🙏🏻 Кини хаалларбыт үлэлэриттэн биирдэстэрэ буолар бу «Хоһуун» экспедиция👍🏻 Кини бу улахан үлэтин саҥаттан саҥатытан үлэлээбиппититтэн үлэһиттэр киэн туттуубут буолла☺️👍🏻Өссө да бу курдук учууталбыт бэртээхэй үлэлэрин биһиги эдэр үлэһиттэр сөргүтэ, онтукатын сайыннара туруохпут диэн эһиил бу хаамыыбытын өссө кэҥэрдиэх сыаллаах бу экспедициябытын этэҥҥэ түмүктээтибит👏 Оҕолор уонна үлэһиттэр ханна хайа диэкки сылдьыбыттарын, сотору кэминэн чахчыга олоҕурбут киинэ буолан эһиги иннигитигэр тахсыаҕа🙌🏻😌Экспедиция кыттыылаахтара бары этэҥҥэ, сэргэх уонна саҥа күүс-уох киирэн дьиэлэригэр, оскуолаларыгар төнүннүлэр. Кинилэр айылҕаны кытта алтыһыыттан улахан дуоһуйууну ыллылар, уол оҕо быһыытынан бэйэлэрин кыахтарын өссө төгүл бэрэбиэркэлэннилэр. Бу уолаттары салайан сырытыннарбыт «Хоһуун» экспедиция бастакытын Анатолий Васильевич Ксенофонтов салайыылаах хаампыт уолаттарыгар, биһиги убайдарбытыгар Анисимов Федор Федоровичка уонна Ксенофонтов Василий Владимировичка сири-дойдуну көрдөрбүттэригэр барыбыт аатыттан барҕа махталбытын биллэрэбит🙌🏻☺️