Бу саҥа нэдиэлэни Н.И. Прокопьев аатынан Хатыы орто оскуолатын нэдиэлэтэ диэн ааттаах с...
Бу саҥа нэдиэлэни Н.И. Прокопьев аатынан Хатыы орто оскуолатын нэдиэлэтэ диэн ааттаах саҥа күммүтүн саҕалаатыбыт👋🏼☺️ Бу нэдиэлэ устата, оскуолабыт туһунан нэдиэлэ буолуоҕа. Саҥа күммүтүн биһиги оскуолабыт оҕолоругар билиини-үөрэҕи биэрэр учууталларбыт арыйдылар. Ол курдук хас биирдии учуутал иккилии буолан арахсан оҕолорго икки төгүллээх үөрэхтээһин уруогун ыыттылар👍🏻 Бу күҥҥэ оҕолор астына дуоһуйа атын чаҕылхай билиилэннилэр, маннык тэрээһини олус диэн хайҕаатылар🙌🏻 Бу олус интэриэһинэй уонна көдьүүстээх ньыма — педагогикаҕа итинник уруогу бииргэ үлэлээн үөрэтии эбэтэр бинарнай уруок диэн ааттыыллар. Холобура, саха тылын уонна история учууталлара бииргэ уруок ыыттахтарына, оҕо тиэмэни икки өттүттэн дириҥник өйдүүр. Биир учуутал тиэмэни быһаарар кэмигэр, иккис учуутал оҕолор хайдах өйдүүллэрин кэтиир, көмөлөһөр, кыра бөлөхтөрүнэн үлэлэтэр. Эдэр учуутал уопуттаах кэллиэгэтиттэн тута үөрэнэр, эбэтэр икки тэҥ уопуттаах учуутал саҥа ньымалары айаллар. Уруок форматын уларыйыыта оҕолор болҕомтолорун тартарар, кинилэр икки учуутал кэпсэтиитин, мөккүөрүн истэн анализы оҥорорго үөрэнэллэр. Бу нэдиэлэ биһигини кытта бииргэ буол👍🏻Өссө да араас интэриэһинэй тэрээһиннэри ыытыахпыт😍🙌🏻