«Өлбөт-сүппэт полк» хаамыытын кыттыылаахтара эһээлэрин, эбээлэрин туһунан кэпсээбит ист...
«Өлбөт-сүппэт полк» хаамыытын кыттыылаахтара эһээлэрин, эбээлэрин туһунан кэпсээбит истиҥ тыллара. Кылгастык эттэххэ: бу хаамыы — умнуллубат өйдөбүл уонна эһээлэрбитигэр эбээлэрбитигэр махтал бэлиэтэ. Саха сириттэн сылдьар бэргэн ытааччылар туһунан кэпсээннэр саамай элбэхтэр. Уоннааҕы сылларга сураҕа суох сүппүт буойуннарбыт ханна көмүллүбүттэрин волонтердар булан, ааттарын төннөрөллөрө кыттыылаахтар харахтарыгар үрүҥ күнү көрдөрөр. Хаамыыга фронтовиктар эрэ буолбакка, тыыл үлэһиттэрин хаартыскаларын эмиэ тутан хаамаллар. «Оччотооҕу оҕолор күүстээх үлэлэрэ суоҕа буоллар, Кыайыы кэлиэ суох этэ» диэн кыттыылаахтар куруук бэлиэтииллэр. Дьоннор эһээлэрэ суруйбут хааннаах суруктарын, мэтээллэрин докумуоннарын илдьэ сылдьан көрдөрөллөр. Бу — судургу хаартыска буолбакка, омукпут тыыннаах устуоруйата буолар. ✍🏻📹Анисимова Уйгулаана, 7 кылаас, Н.И. Прокопьев аатынан Хатыы орто оскуолата, «Кэскил» медиа-киин кэрэспэдьиэнэ.