Үүнэр көлүөнэ эрэлэ: эдэр учууталбыт маҥнайгы хардыылара👍🏻
Үүнэр көлүөнэ эрэлэ: эдэр учууталбыт маҥнайгы хардыылара👍🏻 Биһиги оскуолабыт олоҕор өссө биир суолталаах түгэн буолан ааста🙌🏻Ол курдук алтынньы ый 8 күнүгэр сыллата кэҥии турар педагогическай кэлэктииппитигэр саҥа киирбит эдэр, кэскиллээх учууталбыт Иванова Алина Валерьевна бэйэтин идэтигэр бастакы улахан хардыытын оҥордо — кини «Мой первый урок» диэн улуустааҕы күрэскэ ситиһиилээхтик кытынна👏 Бастакы уруок — хас биирдии педагог олоҕор саамай долгутуулаах, умнуллубат кэм. Эдэр учууталбыт бу бэлиэ күн оҕолордуун биир тылы булан, уруогун олус интэриэһинэйдик, аныгылыы ньымалары туһанан үрдүк таһымҥа ыытта👍🏻Кини бэйэтин идэтигэр бэриниилээҕин, оҕолору кытта үлэлииргэ баҕата муҥура суоҕун уонна чаҕылхай талааннааҕын көрдөрдө👍🏻Күрэс хамыыһыйата эдэр кэллиэгэбитин маастарыстыбатын үрдүктүк сыаналаатылар👏Уонна «Вдохновения профессией» диэн номинация туттардылар✊🏼 Учууталбытыгар Алина Валерьевнаҕа идэтийии суолугар бастакы ситиһиитинэн ис сүрэхтэн кэллэктиип аатыттан эҕэрдэлиибит🙏🏻Инникитин даҕаны үрдүк ситиһиилэри, айымньылаах үлэни, үөрэнээччилэриҥ тапталларын уонна махталын ыларыгар баҕарабыт. Айар суолуҥ сырдык, ситиһиилээх буоллун🙌🏻