Әле яңа гына гимназия бусагасын атлап кергән 1В сыйныф укучылары уку елы буена туган те...
Әле яңа гына гимназия бусагасын атлап кергән 1В сыйныф укучылары уку елы буена туган телебездә белем алып, кулларына "Әлифба" дәреслекләре тотып, хәреф танырга өйрәнеп кенә калмыйча, халкыбызның күренекле, бөек шагыйрьләре, язучылары иҗаты белән дә танышырга өлгерде. Туган тел дәресләре укучыларда бүгенге көндә исән-сау иҗат итүче шагыйрьләр белән очрашуга этәрде. Бу уку елының әнә шундый күңелле очрашуы Йолдыз Шәрәпова белән узды. Балалар үзләре ятлаган шигырьләрен сөйләделәр, язучының "Светофорга мәдхия" шигыренә инсценировка тәкъдим иттеләр, тынлы уен коралы курайда уйнап матур татар халык җырларын башкардылар, шагыйрәгә үзләре теләгән сорауларын биреп җанлы әңгәмә кордылар. Үз чиратында Йолдыз Шәрәпова да балаларга туган телне саклау буенча акыллы киңәшләрен бирде. "Без татарча сөйләшәбез, киләчәкне үзгәртәбез" девизы астында алга таба да телебезне камилләштерү өстендә эшләргә ниятли "1нче В"лар. #татартелеайлыгы