Җәйнең иң матур мизгеле - ул Сабан туй бәйрәме. Ә менә Мулла Илеләр өчен бу бәйрәм үткә...
Җәйнең иң матур мизгеле - ул Сабан туй бәйрәме. Ә менә Мулла Илеләр өчен бу бәйрәм үткән шимбәдә аерым бер үзгә төс алып "Авыл көне" дип билгеләп үтелде. Йола буенча авыл яшьләре, апалар урам буйлап җырлап-биеп, хуҗабикәләрдән, яшь киленнәрдән Сабан туе өчен махсус әзерләнгән бүләкләр җыеп, халыкны бәйрәмгә өндәп йөрделәр. Бәйрәм хореографик композиция белән башланып китте. Тантаналы чаралардан соң бөтен халык игътибары мәйдан уртасына юнәлде. Олысы-кечесе милли уеннарда катнашты: сулы чиләкле көянтә асып йөгерде, чүлмәк ватты, йон эрләде, капчык киеп сикерде, аркан, таяк тартты, чаңгыда көч сынашты, авызларына йомыркалы кашык кабып йөгерде, су салынган табакта суы беткәнче биеде... Мәдәни программа бәйрәмгә аерым ямь өстәде. Үзешчән җырчылар бер-берсен алыштырып, көн дәвамында тамашачыны дәртле һәм моңлы җырлары белән сөендерде. Милли уеннардан соң бәйрәмнең төп символы – татарча көрәш. Көрәштә батыр булып яшүсмерләр арасында Әмир Шәйхуллин, яшьләр арасында Булат Ганиев калды. Күңелле, җырлы-биюле, ярыш төрләренә бай Авыл көне бер мизгелдә узды да китте. Авыл халкы, килгән кунаклар рәхәтләнеп ял итте. Быелгы бәйрәм үзенең бәхетле һәм күңелле мизгелләре, җылы очрашулары белән хәтеребездә калсын, яңа эшләргә һәм казанышларга рухландырсын! #Авылымныңгүзәлкешеләре #Авылымгүзәллеге #МуллаИлеавылы #КультураТатарстан #КультураЗеленодольск #МолвинскийСДК #27июньавылкөне #ЛетовТатарстане #Айдагулять От Разины Сайфутдиновой