5 нче июль көнне Мулла Иле мәдәният йортында Казан шәһәренең "Апанай" мәчетендә белем ...
5 нче июль көнне Мулла Иле мәдәният йортында Казан шәһәренең "Апанай" мәчетендә белем алучы шәкертләр белән бик матур, җылы, күркәм, эчтәлекле һәм бик кирәкле очрашу булды. Бу очрашуга "Апанай" мәчете имам- хатыйбы Нияз хәзрәт Сабиров, Апанай мәдрәсәсе җитәкчесе Әхмәт хәзрәт Сабиров һәм Тимерхан Шәйхетдинов килделәр. Дин әһелләре халык күңелен иман нуры белән сафландыру, яктырту, аларга әхлакый тәрбия бирү буенча гаять зур һәм мөһим эшчәнлек алып бара. Апанай мәдрәсәсе җитәкчесе Әхмәт хәзрәт Сабиров җыелган халыкны вәгазъ-нәсихәт белән сәламләде, очрашу максатын һәм бурычларын аңлатты, киләчәктә дә шундый очрашуларның булачагына өмет белдерде. Милли бәйрәмнәр, гореф-гадәтләр, тел, дин, милләт белән горурлык хисләре — болар барысы да гаиләдә тәрбияләнә, балачактан канга сеңеп кала. Ә балаларга шул нигезле тәрбияне, телгә, милләткә, дингә мәхәббәтне әти-әни, әби сеңдерә, аңлата, тормыш гадәтенә кертеп җибәрә диде ул. “Җәмигъ” мәчете имамы Эмиль хәзрәт Җиһаншин динебезне, телебезне, гореф-гадәтләребезне саклап калып халыкка җиткерү юнәлешендә күп эшләр башкарабыз дип сүзләрен җиткерде. Авылыбызның остабикәсе, абыстае Алсу апа Канакова мөнәҗәт әйтүче апаларны җыйган иде. Мөнәҗәт – илаһи көчкә юнәлтелгән, әмма чынлыкта үз-үзең белән сөйләшүгә корылган монолог. Апалар аны шундый эур осталык белән башкардылар. Алар мөнәҗәт әйткәндә тәннәр чемердәде, күзләргә яшь килде. Шушы очрашу чарасыннан без кыйммәтле киңәшләр, кирәкле тәҗрибәләр алдык – оештыручыларга да, үтемле итеп чыгыш ясаучыларга да олы рәхмәтебезне белдерәбез. Мондый чаралар дәвамлы булсын иде, дигән теләктә калабыз. #Авылымныңгүзәлкешеләре #Авылымгүзәллеге #МуллаИлеавылы #КультураТатарстан #КультураЗеленодольск #МолвинскийСДК От Разины Сайфутдиновой