*Улуу Кыайыы 81 сылыгар аналлаах "Победа" военно-патриотическай оонньууга ыҥырабыт!* — 7 мая 2026 г. в 10:19:20.624
*Улуу Кыайыы 81 сылыгар аналлаах "Победа" военно-патриотическай оонньууга ыҥырабыт!* Ытыктабыллаах Хаҥалас нэһилиэгин олохтоохторо, ыччаттара! Улуу Кыайыы 81 сылын чэрчитинэн, сэрии толоонуттан эргиллибэтэх хорсун буойуннарбыт сырдык ааттарын кэриэстээн, кинилэр үтүө үлэлэрин үйэтитэр сыаллаах, Хаҥалас нэһилиэгин түөлбэлэрин икки ардыларыгар күрэхтэһии быһыытынан "Победа" военно-патриотическай оонньуу ыытыллар. Бу оонньуу чөл олоҕу тутуһууну, ыччаты төрөөбүт дойдуга бэриниилээх буолууга иитиини, урукку көлүөнэ хорсун быһыытын өйдөөһүнү түстүүр. *Тэрээһин бириэмэтэ уонна буолар сирэ:* • Ыам ыйын 9️⃣ күнэ, Улуу Кыайыы күнүгэр, митинг кэнниттэн тута саҕаланыаҕа. • Оонньуу буолар сирэ: нэһилиэк оскуолатын спортзала. *Тэрийээччилэр:* С.П.Гаврильев аатынан «Тойук» надь, олохтоох библиотека, Н.И.Кочнев аатынан 1 Хаҥалас орто оскуолата Кыттар хамаанда ирдэбилэ: Хас биирдии түөлбэттэн хорсун санаалаах, күүстээх хамаандалар кыттыыны ылаллар. Хамаанда састааба алта киһиттэн турар: • 1 кыыс • 1 уол • 1 дьахтар • 3 эр киһи Бу оонньуу хас биирдии кыттааччыттан бэлэмнэниини, күүһү, дьулууру, сомоҕолоһууну эрэйэр. Түөлбэлэргит ааттарыттан киирэн, Кыайыыны баҕарабыт! Кэлэн күүстээх санааҕытынан, билиигитинэн, сатабылгытынан күрэхтэһиҥ!