Мәскәү шәһәренең Коммунарка мәйданында «Сабантуй дуслык һәм бердәмлек» гаилә фестивале ... — 7 июля 2026 г. в 09:46:39.461
Мәскәү шәһәренең Коммунарка мәйданында «Сабантуй дуслык һәм бердәмлек» гаилә фестивале узды. Бу чара илебезнең барлык төбәкләреннән килгән халыкны һәм дин әһелләрен берләштерүе белән үзенчәлекле. Шушы зур бәйрәмдә безнең Әтнә районы мәдәният бүлеге каршында эшләп килүче сәнгать коллективлары белән берлектә Әтнә балалар сәнгать мәктәбенең "Алчәчәк" үрнәк бию коллективы ( җитәкчеләре Абдуллина Алия Ринат кызы; Корбанова Ләйсән Илдус кызы) шулай ук халык уен кораллары бүлегендә укучы Маугизов Рафис һәм Хамидуллин Инсаф ( җитәкчеләре Шарафиев Рамиль Ринат улы) та үзләренең чыгышларын тәкъдим иттеләр. Фестивальне югары дәрәҗәдә оештыруга керткән өлеше өчен Әтнә районы мәдәният бүлеге җитәкчесе Абдуллина Алия Ринат кызын рәхмәт хаты белән бүләкләделәр. Бу бүләкне Мәскәү мөфтисе, Россия мөселманнары Диния җыены башлыгы, Россия Федерациясе Президенты каршындагы Дини берләшмәләр белән хезмәттәшлек итү советы әгъзасы, Россия Федерациясе Иҗтимагый палатасы әгъзасы Альбир хәзрәт Крганов тапшырды.