Ил Дарханныын кэпсэтии — 6 августа 2026 г. в 04:04:07.412
Ил Дарханныын кэпсэтии Соторутааҕыта СӨ Ил Дархана Айсен Сергеевич Николаев Ньурбаҕа оробуочай бөлөҕүн илдьэ кэлэн үлэлээбитэ. Тутулла турар эбийиэктэргэ сылдьан миэстэтигэр үлэ хаамыытын билистэ, эһиил Ньурбаҕа ыытыллыахтаах СӨ 9-с Спортивнай оонньуулар тэрийэр хамыыһыйатын кытта көрүстэ. Үлэтин түмүгүнэн биһиги хаһыаппыт ыйытыыларыгар хоруйдаабытын таһаарабыт. - Айсен Сергеевич, Антоновкаҕа Единоборство саалатыгар, Ньурбаҕа балыыһа иккис уочаратын дьиэтигэр, физкультурнай-чэбдигирдэр кииҥҥэ уонна стадиоҥҥа сылдьан үлэ хаамыытын хайдах сыаналаатыҥ? — Ньурба улууһугар кэллэ кэлээт тута тутуу эбийиэктэрин көрдүбүт. Эбийиэктэргэ барытыгар үлэ хаамыыта тус-туспа тэтиминэн баран иһэр. Саамай кыһалҕалаах – балыыһа тутуута буолар. Урукку бэдэрээтчик кыайбакка, сыыһа-халты туттан, сатаан үлэтин тэрийбэккэ, республикабытыгар икки улууска тутулла турар эбийиэктэр графиктан хааллылар. Ол эбэтэр Ньурбаҕа уонна Мэҥэ-Хаҥаласка, Майаҕа. Билигин Россия Бырабыыталыстыбатын кытта саҥаттан үлэлэһэммит, төттөрү угуллубут харчыбытын төннөрөммүт, балай да элбэх кэпсэтии кэнниттэн, аукцион түмүктэнэн, саҥа бэдэрээтчик үлэтин саҕалаата. Үөрэрим диэн, улахан уопуттаах, республикаҕа элбэх эбийиэктэри туппут ПК ”Монтажник” тутуу хампаанньата үлэни салгыаҕа. Манна биир улахан боппуруостаахпыт, ону хайаан даҕаны этиэххэ наада, Майаҕа уонна Ньурбаҕа эбийиэктэр салгыы тутуллалларыгар федеральнай бюджеттан үп-харчы көрүллэ илик. Биирдии эбийиэккэ 700 тахса мөл.солк. наада. Билигин Россия бырабыыталыстыбатын, доруобуйа харыстабылын министиэристибэтин кытта күүстээх үлэ бара турар, ол түмүгүнэн иннэ-кэннэ быһаарыллыахтаах — төһө харчы көрүллэрэ, оччотугар биһиги эмиэ бэйэбит өттүбүтүттэн ханнык хамсаныылар тахсалларын быһаарыныахпыт. Биһиги сыалбыт-сорукпут биир — бу икки эбийиэктэр түргэнник тутуллан үлэҕэ киириэхтээхтэр, нэһилиэнньэ туһугар үлэлиэхтээхтэр. Спорт эбийиэктэрин этэр буоллахха, мин көрөрбүнэн, балаһыанньа куһаҕана суох. Антоновкаҕа Единоборство саалатын тутуутун үлэтэ саҕаланна, эһиил ыам ыйыгар үлэҕэ киириэхтээх. Бэдэрээтчик ПК ДСА кэмигэр үлэтин ыытан, матырыйааллара, биригээдэ кэлэн, тэтимнээх үлэ бара турар. Дьокуускайга даҕаны, улуустарга даҕаны элбэх үлэни ыыппыт тэрилтэ, онон эрэнэбит. Стадион уонна физкультурнай-чэбдигирдэр киин туһунан этэр буоллахха, тутуу өттүгэр туох даҕаны боппуруос суох, барыта график быһыытынан баран иһэллэр. Стадиону эһиил ыам ыйыгар үлэҕэ киллэрэргэ бэдэрээтчик ыкса ылсан үлэтин хайысхатын салайан олорор. Дьон-сэргэ кэлэ-бара көрө сылдьар буолуохтаах, тэтимнээх үлэ бара турар. Билигин эбийиэк бэлэмэ 30% таҕыста. Саамай ыарахан үлэтэ бүтэн, салгыы үлэ хаамыыта өссө эрчимирэн биэриэхтээх. Физкультурнай-чэбдигирдэр киин тутуутугар үп-харчы өттүгэр боппуруостардаахпыт. Билигин харчыбыт тиийбэт курдук. Ол эрэн бары өйдүүбүт, тутуута саҕаламмыт эбийиэк хайаан да бүтүөхтээх. Наада буоллаҕына 2028 сыллааҕы бюджекка эбии харчыны көрөммүт үлэни тэрийиэхпит. Тэрийэр хамыыһыйаҕа сорудах биэрдим, биир ый иһигэр түргэнник барытын быһаарсан, салгыы тутууну хайдах үбүлүүрбүтүн чопчулуохтаахпыт. Мин эрэнэбин, биһиги Республикабыт бырабыыталыстыбата бу эбийиэги түргэнник тутан үлэҕэ киллэрэргэ туох-баар оҥоһуллуохтааҕын оҥоруо диэн. — Эһиилги Ньурба сиригэр буолуохтаах СӨ норуоттарын 9-с Спортивнай оонньууларыгар эн көрөргүнэн Ньурба улууһа, тэрийэр хамыыһыйа бэлэмэ хайдаҕый? Сүрүн болҕомто туохха уурулларый? — Эһиилги 9-с Спортивнай оонньуулар бу спорт эрэ бырааһынньыга буолбакка, бары эйгэ, дьон-сэргэ сомоҕолоһор кэмэ. Мин эрэнэбин, Ньурба дьоно бары түмсэн бэйэлэригэр даҕаны, республикаҕа даҕаны чаҕылхай бырааһынныьыгы тэрийиэхтэрэ диэн. Тэрийэр хамыыһыйа мунньаҕар тустаах миниистирдэр, улуус баһылыга Алексей Михайлович отчуот оҥордулар. Мин көрөрбүнэн, табыллыбат боппуруос суох курдук, сөптөөх быһаарыныылар ылылыннылар. Улуус баһылыга коммунальнай хаһаайыстыба өттүгэр тутуллубут ууну ыраастыыр станцияны салгыы үлэлэтэр тэрилтэ быһаарыллыбакка турарынан, улахан кыһалҕа тахсыбытын эттэ. Онон кылгас бириэмэҕэ