"Олимп чыпчаалын дабайыы" олус сэргэх көрсүһүү буолан ааста.🏆
"Олимп чыпчаалын дабайыы" олус сэргэх көрсүһүү буолан ааста.🏆 Гимназиябытыгар балаҕан ыйын 5-15 күннэригэр "Доруобуйа төрдө - чөл олох" дэкээдэ ыытылынна. Дэкээдэни түмүктүүр күҥҥэ 1976 с. Монреаль куоракка ыытыллыбыт Олимпийскай оонньуулар көҥүл тустууга үрүҥ көмүс призера Александр Николаевич Иванов кэргэнинээн Варвара Афанасьевналыын оҕолору уонна учууталлары кытта көрсөн, хайдах Олимп чыпчаалыгар тахсыбытын, спорка доҕордоһуу, бэйэ-бэйэҕэ эрэнсии, дойдуга бэриниилээх буолуунуну сиһилии, оҕоҕо тиийимтиэ кэпсээнин биир тыынынан иһиттибит. Көрсүһүү кэмигэр үөрэнээччилэр араас ыйытыктарын биэрдилэр. Спортсмен оҕолор туспа хаалан сүбэ-ама ыллылар. Оҕолор ордук тоҕо кинини Улуу Пехлеван диэн ааттаабыттарын, олимпиада кэмигэр тугу аһаан-сиэн, хайдах дьарыктаммытын, хайдах үөрэммитин сэҥээрдилэр. Саамай сонун көстүүнэн олимпиец үрүҥ көмүс мэтээлин аҕалбыта буолла. Бары тутан-хабан, көрөн-истэн бэркэ кэрэхсээтилэр. Санатар буоллахха, үөрэнээччилэрбит балаҕан ыйын 8-9 күннэригэр Строительнай ырыынакка Улуу тренергэ Д.П. Коркиҥҥа, Олимпийскай оонньууларга Монреалга 1976 сыллаахха саха өрөгөйүн көтөхпүт Улуу тустууктарыгар Р.М. Дмитриевка, П.П. Пинигиҥҥэ, А.Н. Ивановка анаммыт быыстапкаларыгар сырыттылар. #ДекадаЗдоровья #ДоруобуйаТөрдөЧөлОлох