Саха гимназия "Үнүгэс" сайыҥҥы лааҕыра аанын тэлэччи арыйда☀️🌿
Саха гимназия "Үнүгэс" сайыҥҥы лааҕыра аанын тэлэччи арыйда☀️🌿 Самаан сайыммыт сатыылаан турар кэмигэр, бэс ыйын 4 күнүгэр, сайыҥҥы лааҕырбыт үөрүүлээх быһыыга-майгыга арыллар дьоро күнэ үүннэ. Алын, орто сүһүөх кылаас оҕолоро тоҕуоруһа муһуннулар. Дириэктэри солбуйааччы М.М. Алексеева, лааҕыр начаалынньыга М.В. Ордахова эҕэрдэ тыллары оҕолорго туһаайан эттилэр. Салгыы этэрээттэр бэйэлэрин билиһиннэрдилэр, ырыа-тойук дьиэрэйдэ, үҥкүү-битии ньиргийдэ. Саҥа билсэр күн буолан оҕолорго барыта сонун курдук. Уопсайа 3 этэрээт үлэлээн саҕалаата: 🎈1 этэрээт сүбэһиттэрэ- Романова С.Е. уонна Сивцева Н.А. 🎈2 этэрээт сүбэһиттэрэ- Васильева Е.А. уонна Чемпина М.И. 🎈3 этэрээт сүбэһитэ- Татаринова В.П. Лааҕыр бырааһа - Елена Николаевна оҕолору чэбдигирдиигэ, эти-сиини бөҕөргөтүүгэ үлэлэһэн саҕалаата. Сайыҥҥы лааҕырбыт оҕолор айар-тутар дьоҕурдарын сайыннарыа, күн аайы саҥаттан-саҥаны билэргэ дьулуһуо уонна сахалыы эйгэни кэҥэтэр соруктаах үлэлэр ыытыллыахтара☺️☀️🫶🏻 #ЛетнийОтдых #ОЛДП #Үнүгэс