Улууспут убаастабыллаах социальнай эйгэтин үлэһиттэрэ уонна бэтэрээннэрэ! — 7 июня 2026 г. в 23:05:17.831
Улууспут убаастабыллаах социальнай эйгэтин үлэһиттэрэ уонна бэтэрээннэрэ! Улуус дьаһалтатын уонна тус бэйэм ааппыттан эһигини идэлээх бырааһынньыккытынан – социальнай үлэһит күнүнэн истиҥник эҕэрдэлиибин! Социальнай көмүскэл салалтата 35 үлэһиттээх, ол иһигэр 24 социальнай үлэһит нэһилиэктэринэн үлэлииллэр. Салайааччынан 2025 сылтан 30 сыл социальнай эйгэҕэ үлэлээбит СР социальнай сулууспатын туйгуна Зоя Валентиновна Егомина үлэлиир. Социальнай көмүскэл салалтатын үлэһиттэрэ бары да уопуттаах, кырдьаҕаска, кыаммакка ураты сымнаҕас сыһыаннаахтар. Эһиги олох ыараханыгар түбэспит кырдьаҕастарга уонна атын да көмөҕө наадыйар дьоҥҥо бастакынан көмөҕө кэлэҕит, эрэли уонна истиҥ сыһыаҥҥытын бэлэхтиигит, дууһаҕыт сылааһынан угуттуугут. Муҥура суох тулуургут, аһыныгас майгыгыт, күүстээх санааҕыт уонна үтүө сүрэххит иһин дириҥник махтанабын! Бука барыгытыгар бөҕө доруобуйаны, күүстээх санааны, дьиэ кэргэҥҥитигэр бары үчүгэйи, оҥорор үтүөҕүтүгэр хардарыта сылааһы уонна сарсыҥҥы күҥҥэ эрэли баҕарабын. Истиҥ эҕэрдэни кытта, Үөһээ Бүлүү улууһун Баһылыга Валерий Николаев #Социальнайэйгэ #Бэлиэкүн http://T.me/ValeriNikolaev